CM યોગીનો રાહુલ ગાંધી પર પલટવાર, કહ્યું-દેશવાસીઓની માફી માંગવી જોઈએ
BJP On Rahul Gandhi: ઉત્તર પ્રદેશના મુખ્યમંત્રી યોગી આદિત્યનાથે ભારતીય રાષ્ટ્રીય કોંગ્રેસના નેતા રાહુલ ગાંધીના નિવેદન પર પ્રતિક્રિયા આપી છે. નોંધનીય છે કે, રાહુલ ગાંધી હાલ અમેરિકામાં છે અને તેમના અનેક નિવેદનો વિવાદાસ્પદ છે. સીએમ યોગી આદિત્યનાથે સોશિયલ મીડિયા સાઇટ X પર રાહુલ ગાંધીની ટિપ્પણી પર વળતો પ્રહાર કર્યો છે. સીએમએ લખ્યું- કોંગ્રેસના ક્રાઉન પ્રિન્સ રાહુલ ગાંધી ભારત વિરોધી અલગતાવાદી જૂથના નેતા બનવા તરફ આગળ વધી રહ્યા છે. તેમનો એકમાત્ર ઉદ્દેશ્ય ભારતની એકતા, અખંડિતતા અને સામાજિક સમરસતાને નષ્ટ કરવાનો અને દેશને ગૃહયુદ્ધ તરફ ધકેલવાનો છે. દેશવિરોધી નેશનલ કોન્ફરન્સ સાથે ગઠબંધન કરીને પછાત વર્ગના આરક્ષણનો ભંગ કરીને તેનો મોટો હિસ્સો મુસ્લિમોને આપી દેનાર કોંગ્રેસનો રાજકુમાર હવે દેશમાંથી અનામત ખતમ કરવાનું ષડયંત્ર રચી રહ્યો છે.
कांग्रेस के युवराज राहुल गांधी भारत विरोधी अलगाववादी समूह के नेता बनने की ओर अग्रसर हैं।
इनका एकमात्र लक्ष्य भारत की एकता, अखण्डता और सामाजिक समरसता को छिन्न-भिन्न करके देश को गृह युद्ध की ओर धकेलना है।
राष्ट्र विरोधी नेशनल कॉन्फ्रेंस के साथ गठबंधन करने वाली और पिछड़ों के…
— Yogi Adityanath (@myogiadityanath) September 11, 2024
‘દેશવાસીઓની માફી માંગવી જોઈએ’
વધુમાં સીએમએ લખ્યું, રાહુલ ગાંધીએ સમજવું જોઈએ કે જ્યાં સુધી આ દેશમાં ભાજપનો એક પણ કાર્યકર રહેશે ત્યાં સુધી તેમનો ભાગલા પાડવાનો ઈરાદો સફળ નહીં થાય. ‘અમે ભારતના લોકો’ કોંગ્રેસ સહિત તમામ રાષ્ટ્ર વિરોધી શક્તિઓ સામે એકજૂટ છીએ. વધુમાં તેમણે લખ્યું, વડાપ્રધાન નરેન્દ્ર મોદીના નેતૃત્વ અને માર્ગદર્શન હેઠળ એનડીએ સરકાર શોષિત, પીડિત અને વંચિતોના ઉત્થાન માટે સંકલ્પબદ્ધ છે. દેશમાં વિભાજનના બીજ વાવવાનો રાહુલ ગાંધીનો પ્રયાસ નિંદનીય છે. તેણે આ માટે દેશવાસીઓની માફી માંગવી જોઈએ.
