કેદારનાથમાં મોટી દુર્ઘટના, પહાડ પરથી કાટમાળ પડતા ત્રણના મોત; 5 ઘાયલ
Chardham Yatra 2024: ગૌરીકુંડ-કેદારનાથ પદયાત્રી માર્ગ પર રવિવારે સવારે એક મોટો અકસ્માત થયો હતો. ચિરબાસા નજીક ટેકરી પરથી અચાનક જ મોટી માત્રામાં કાટમાળ અને પથ્થરો પડી ગયા. આ દરમિયાન યાત્રા પર જઈ રહેલા ત્રણ શ્રદ્ધાળુઓના મોત થયા હતા. જ્યારે પાંચ ઘાયલ થયા હતા. ઘણા મુસાફરો કાટમાળ નીચે દટાયા હોવાની આશંકા છે.
મળતી માહિતી મુજબ આ ઘટના સવારે 7.30 વાગ્યે બની હોવાનું કહેવાય છે. અકસ્માતની માહિતી મળતા જ પોલીસ પ્રશાસનની ટીમ ઘટનાસ્થળે પહોંચી ગઈ હતી. રાહત અને બચાવ કાર્ય ચાલુ છે.
તમને જણાવી દઈએ કે કેદારનાથમાં 16 કિલોમીટર લાંબા ગૌરીકુંડ-કેદારનાથ વૉકિંગ રુટ પર અવાર-નવાર ભૂસ્ખલનનો ખતરો છે. ચિરબાસા એ ભૂસ્ખલન ક્ષેત્ર છે, જ્યાં દર વરસાદની મોસમમાં પહાડી પરથી પથ્થરો પડવાને કારણે અકસ્માતો થાય છે. અહીં ગયા વર્ષે પણ પહાડી પરથી ભૂસ્ખલનને કારણે એક વ્યક્તિએ જીવ ગુમાવ્યો હતો.
સીએમ ધામીએ દુઃખ વ્યક્ત કર્યું
સીએમ ધામીએ કેદારનાથ યાત્રાના રૂટ પર થયેલા અકસ્માત પર દુખ વ્યક્ત કર્યું છે. સોશિયલ મીડિયા પર પોસ્ટ કરતાં તેણે લખ્યું, ‘પહાડ પરથી કાટમાળ અને ભારે પથ્થરો પડતાં કેટલાક મુસાફરોના ઘાયલ થવાના સમાચાર અત્યંત દુઃખદ છે. ઘટના સ્થળે રાહત અને બચાવ કાર્ય ચાલી રહ્યું છે, હું આ બાબતે સતત અધિકારીઓના સંપર્કમાં છું. અકસ્માતમાં ઘાયલ થયેલા લોકોને તાત્કાલિક સારી સારવાર આપવા સૂચના આપવામાં આવી છે. ભગવાન મૃતકોના આત્માને શાંતિ આપે અને શોકગ્રસ્ત પરિવારના સભ્યોને આ અપાર દુ:ખ સહન કરવાની શક્તિ આપે.
केदारनाथ यात्रा मार्ग के पास पहाड़ी से मलबा व भारी पत्थर गिरने से कुछ यात्रियों के हताहत होने का समाचार अत्यंत दुःखद है। घटनास्थल पर राहत एवं बचाव कार्य जारी है, इस सम्बन्ध में निरंतर अधिकारियों के संपर्क में हूं। हादसे में घायल हुए लोगों को त्वरित रूप से बेहतर उपचार उपलब्ध…
— Pushkar Singh Dhami (@pushkardhami) July 21, 2024
કેદારનાથ યાત્રા માર્ગની નજીક પહાડ પરથી કાટમાળ અને ભારે પથ્થરો પડતાં કેટલાક શ્રદ્ધાળુઓની જાનહાનિના સમાચાર અત્યંત દુઃખદ છે. ઘટના સ્થળે રાહત અને બચાવ કાર્ય ચાલી રહ્યું છે, હું આ બાબતે સતત અધિકારીઓના સંપર્કમાં છું. અકસ્માતમાં ઘાયલ થયેલા લોકોને તાત્કાલિક અને સારી સારવાર પૂરી પાડવામાં આવે…
સતત અપડેટ ચાલુ છે…
