કેન્યામાં વિમાન દુર્ઘટના બાદ લાગી આગ, 3 લોકોના મોત; પાયલોટ અને વિદ્યાર્થી સુરક્ષિત
Kenya: કેન્યાના દરિયાકાંઠાના માલિન્ડી કાઉન્ટીમાં એક વિમાન ક્રેશ થયું છે. આ અકસ્માતમાં ત્રણ લોકોએ જીવ ગુમાવ્યા. સબ-કાઉન્ટી પોલીસ કમાન્ડર લકીઝોસ્કી મુદાવાડીએ જણાવ્યું હતું કે મૃતકોમાં એક મોટરસાઇકલ સવારનો પણ સમાવેશ થાય છે જે માલિંડી-મોમ્બાસા હાઇવે પર ક્વાચોચા શહેરમાં વિમાન સાથે અથડાતાં આગની ચપેટમાં આવી ગયો હતો.
માહિતી અનુસાર, વિમાન એક ઇમારત સાથે અથડાતાં થયેલા અકસ્માતમાં બે અન્ય લોકો, એક મોટરસાઇકલ સવાર અને એક મહિલા મુસાફરનું મૃત્યુ થયું હતું. વિમાન દુર્ઘટના પહેલા કૂદી પડતાં વિમાનમાં હાજર પાઇલટ અને બે વિદ્યાર્થીઓ ઘાયલ થયા હતા. પોલીસ અકસ્માતના કારણની તપાસ કરી રહી છે ત્યારે હાલમાં ઈજાગ્રસ્ત લોકોની સારવાર ચાલી રહી છે.
આ પણ વાંચો: સુરેન્દ્રનગરમાં ઝડપાયો બોગસ ડોક્ટર, SOGએ જપ્ત કર્યો 18 હજારથી વધુનો મુદામાલ
પાયલોટ અને બે વિદ્યાર્થીઓએ વિમાનમાંથી કૂદી પડ્યા
આ કેસમાં અન્ય બે ભોગ બનેલા લોકોમાં એક મોટરસાઇકલ સવાર અને એક મહિલા મુસાફરનો સમાવેશ થાય છે, જે વિમાનના પાંખો અને પાછળના ભાગ સાથે અથડાયા બાદ મૃત્યુ પામ્યા હતા. તમને જણાવી દઈએ કે વિમાનમાં સવાર પાયલોટ અને બે વિદ્યાર્થીઓએ વિમાનમાંથી કૂદીને પોતાનો જીવ બચાવ્યો હતો. જોકે, આ દરમિયાન તેમને સામાન્ય ઈજાઓ થઈ હતી, જેની સારવાર ચાલી રહી છે.
