February 19, 2025

આંતરરાષ્ટ્રીય પતંગોત્સવ 2025નો પ્રારંભ, 11થી 14 જાન્યુઆરી સુધી આયોજન

અમદાવાદઃ આજથી આંતરરાષ્ટ્રીય પતંગ મહોત્સવ 2025નો પ્રારંભ થયો છે. રિવરફ્રન્ટ પર CM ભૂપેન્દ્ર પટેલના હસ્તે ઉદ્ધાટન કરવામાં આવ્યું છે. તિરંગાના રંગના બલૂન ઉડાવીને પતંગ ઉત્સવનું ઉદ્ધાટન કરવામાં આવ્યું છે.

પતંગોત્સવ 11થી 14 જાન્યુઆરી દરમિયાન યોજાશે. રાજ્યપાલ આચાર્ય દેવવ્રતજી, મંત્રી મુળુ બેરા પણ ઉપસ્થિત રહ્યા હતા. આ ઉપરાંત મેયર પ્રતિભા જૈન સહિતના AMCના પદાધિકારીઓ હાજર રહ્યા હતા.


આ પતંગોત્સવમાં રાષ્ટ્રીય તથા આંતરરાષ્ટ્રીય પતંગબાજો દ્વારા પરેડ કરવામાં આવી હતી. આ ઉપરાંત કાર્યક્રમમાં ઋષિકુમારોએ આદિત્ય સ્તુતિ વંદના પાઠ કર્યો હતો. આંતરરાષ્ટ્રીય પતંગ મહોત્સવમાં 47 દેશોમાંથી 143 પતંગબાજો ભાગ લેશે. ભારતના અન્ય 11 રાજયોમાંથી 52 જેટલા પતંગબાજો ભાગ લેશે. ગુજરાતમાંથી પણ 11 જેટલા શહેરોમાંથી 417 જેટલા પતંગબાજો ભાગ લઈ રહ્યા છે.