Maharashtra ચૂંટણી માટે BJPની પ્રથમ યાદી જાહેર, ફડણવીસ સહિત 99 ઉમેદવારોની જાહેરાત
Maharashtra BJP Candidates List: મહારાષ્ટ્ર વિધાનસભા ચૂંટણી માટે ભાજપે તેના ઉમેદવારોની પ્રથમ યાદી જાહેર કરી છે. જેમાં પાર્ટીએ 99 ઉમેદવારોના નામની જાહેરાત કરી છે. ભાજપે નાયબ મુખ્યમંત્રી દેવેન્દ્ર ફડણવીસને નાગપુર દક્ષિણ-પશ્ચિમથી અને પાર્ટીના પ્રદેશ અધ્યક્ષ ચંદ્રશેખર બાવનકુળેને કામઠી વિધાનસભા બેઠક પરથી મેદાનમાં ઉતાર્યા છે.
BJP releases the first list of 99 candidates for the #MaharashtraElection2024.
Deputy CM Devendra Fadnavis to contest from Nagpur Souty West, state BJP chief Chandrashekhar Bawankule from Kamthi, minister Girish Mahajan from Jamner, minister Sudhir Mungantiwar from Ballarpur,… pic.twitter.com/uzPHuWuzIt
— ANI (@ANI) October 20, 2024
ભાજપે જે 99 બેઠકો પર ઉમેદવારો ઉભા રાખ્યા છે તેમાં નાગપુર સાઉથ વેસ્ટ સીટ ટોચ પર છે જ્યાંથી ડેપ્યુટી સીએમ દેવેન્દ્ર ફડણવીસ ચૂંટણી લડી રહ્યા છે. નાગપુર સાઉથ વેસ્ટ સીટ 2009માં અસ્તિત્વમાં આવી હતી, ત્યારથી અહીં માત્ર દેવેન્દ્ર ફડણવીસ જ ચૂંટણી જીતી રહ્યા છે. જ્યારે ભાજપના પ્રદેશ અધ્યક્ષ ચંદ્રશેખર બાવનકુળે કામઠીથી ચૂંટણી લડશે. પૂર્વ સીએમ અશોક ચવ્હાણની પુત્રી શ્રીજયા અશોક ચવ્હાણને ભોકરથી ટિકિટ આપવામાં આવી છે. અશોક ચવ્હાણ પણ આ બેઠકનું પ્રતિનિધિત્વ કરી ચૂક્યા છે.
