કેન્દ્ર સરકારે મણિપુરના 5 જિલ્લામાં ફરીથી AFSPA લાગુ કરી
Manipur Violence: મણિપુરમાં હિંસાને જોતા કેન્દ્ર સરકારે 5 જિલ્લાઓને અશાંત વિસ્તાર જાહેર કર્યા છે અને AFSPA (Armed Forces Special Power Act) લાગુ કરી છે. કેન્દ્રીય ગૃહ મંત્રાલય દ્વારા આ અંગે એક સૂચના જારી કરવામાં આવી છે. કેન્દ્ર સરકારે મણિપુરમાં તાજેતરની હિંસા અને બગડતી કાયદો અને વ્યવસ્થાને લઈને આ નિર્ણય લીધો છે. અગાઉ, 1 ઓક્ટોબર, 2024 ના રોજ, આ વિસ્તારોને છ મહિના માટે AFSPAની સૂચનામાંથી બાકાત રાખવામાં આવ્યા હતા.
જાતિય હિંસા અને અસ્થિરતાને કારણે લેવાયો નિર્ણય
કેન્દ્રીય ગૃહ મંત્રાલયે એક નોટિફિકેશનમાં જણાવ્યું છે કે ત્યાં ચાલી રહેલી જાતિ હિંસાને કારણે સતત અસ્થિર સ્થિતિને ધ્યાનમાં રાખીને આ નિર્ણય લેવામાં આવ્યો છે. જે પોલીસ સ્ટેશન વિસ્તારો પર AFSPA ફરીથી લાગુ કરવામાં આવી છે તેમાં ઇમ્ફાલ પશ્ચિમ જિલ્લામાં સેકમાઇ અને લમસાંગ, ઇમ્ફાલ પૂર્વ જિલ્લામાં લામલાઇ, જીરીબામ જિલ્લામાં જીરીબામ, કાંગપોકપીમાં લીમાખોંગ અને બિષ્ણુપુરમાં મોઇરાંગનો સમાવેશ થાય છે.
આ તાજેતરનો આદેશ મણિપુર સરકારે 1 ઓક્ટોબરના રોજ આ છ પોલીસ સ્ટેશનો સહિત 19 પોલીસ સ્ટેશન વિસ્તારો સિવાય સમગ્ર રાજ્યમાં AFSPA લાગુ કર્યા પછી આવ્યો છે.મણિપુર સરકારના 1 ઓક્ટોબરના AFSPA લાદવાના આદેશમાંથી જે પોલીસ સ્ટેશનો બહાર રહ્યા તેમાં ઈમ્ફાલ, લામ્ફલ, સિટી, સિંગજામેઈ, સેકમાઈ, લમસાંગ, પટસોઈ, વાંગોઈ, પોરોમ્પટ, હેઈંગાંગ, લામલાઈ, ઈરીલબુંગ, લીમાખોંગ, થોબલ, બિષ્ણુપુર, મોઈરાંગ, નમસાંગનો સમાવેશ થાય છે. કાકચિંગ અને જીરીબામનો સમાવેશ થતો હતો.
