તુર્કીના રિસોર્ટમાં ભીષણ આગ, 6 લોકોના મોત અને 31 ઘાયલ
Turkey: ઉત્તરપશ્ચિમ તુર્કીમાં એક સ્કી રિસોર્ટ હોટલમાં આગ લાગવાથી છ લોકોના મોત થયા છે અને 31 લોકો ઘાયલ થયા છે. મંગળવારે રાજ્ય પ્રસારણકર્તા TRT દ્વારા આ માહિતી આપવામાં આવી હતી.
બોલુના ગવર્નર અબ્દુલઅઝીઝ આયદિને જણાવ્યું હતું કે, મંગળવારે સવારે લગભગ 3:30 વાગ્યે બોલુના કાર્ટલકાયા સ્કી રિસોર્ટમાં 11 માળની હોટલના ચોથા માળે આગ લાગી હતી અને ફાયર ફાઈટરો હજુ પણ તેને ઓલવવાનું કામ કરી રહ્યા છે. તેમણે કહ્યું કે આગ લાગવાનું કારણ તાત્કાલિક સ્પષ્ટ થયું નથી. પરંતુ અધિકારીઓ તેની તપાસ કરી રહ્યા છે. રાજ્યપાલે કહ્યું કે હોટલમાં 234 લોકો હાજર હતા.
ટેલિવિઝન પર દેખાતા ચિત્રોમાં હોટલની છત અને ઉપરના માળે આગ દેખાતી હતી. આગ લાગવાનું કારણ હજુ સુધી જાણી શકાયું નથી. એવું કહેવાય છે કે 30 ફાયર એન્જિન ઘટનાસ્થળે મોકલવામાં આવ્યા છે. જે આગ ઓલવવાનો સતત પ્રયાસ કરી રહ્યા છે. 28 એમ્બ્યુલન્સ ઘટનાસ્થળે મોકલવામાં આવી હતી. જેના દ્વારા ઘાયલ લોકોને હોસ્પિટલ લઈ જવામાં આવ્યા હતા.
મૃતકોની હજુ સુધી ઓળખ થઈ નથી
હોટલમાં ફસાયેલા લોકોને બહાર કાઢવા માટે સતત પ્રયાસો કરવામાં આવી રહ્યા છે. આગના કારણે આસપાસના વિસ્તારમાં ભયનો માહોલ છે. એવું કહેવામાં આવી રહ્યું છે કે વહીવટીતંત્રે ઘણા લોકોને હોસ્પિટલમાંથી બહાર કાઢ્યા છે. જોકે, કેટલાક લોકો હજુ પણ ફસાયેલા છે. અધિકારીઓએ હજુ સુધી પીડિતોની ઓળખ જાહેર કરી નથી.
