…જો એક દિવસના વડાપ્રધાન બનવા મળે તો શું કરશે પંકજ ત્રિપાઠી? જાણો અહીં જવાબ
પંકજ ત્રિપાઠી આ દિવસોમાં અટલ બિહારી વાજપેયીની બાયોપિક ફિલ્મ ‘મેં અટલ હૂં’ ને કારણે ચર્ચામાં છે. અભિનેતા પંકજ ત્રિપાઠી ફિલ્મને લઇને દરરોજ ઈન્ટરવ્યુ આપે છે. આ દરમિયાન ફિલ્મના પ્રમોશનલ એક્ટિવિટીઝનો ભાગ બની રહેલા પંકજની ઘણી વીડિયો ક્લિપ્સ પણ વાયરલ થઈ રહી છે. અભિનેતાને કારકિર્દીમાં સંઘર્ષનો અનુભવ થયા બાદ આજે તે એવા તબક્કે પહોંચી ગયા છે કે તેની ગણતરી ઈન્ડસ્ટ્રીના અનુભવી કલાકારોમાં થાય છે. તેમનો એક ઈન્ટરવ્યુ વાયરલ થઈ રહ્યો છે, જેમાં તેમણે જણાવ્યું હતું કે જો તેમને એક દિવસ માટે પીએમ બનવાની તક મળે તો તેઓ શું કરશે.
એક દિવસના વડાપ્રધાન બનવા મળે તો શું કરશે અભિનેતા?
તાજેતરમાં અભિનેતા પંકજ ત્રિપાઠીએ જણાવ્યું હતું કે, “એમાં ઉંડા ઉતરવા અને માનવા માટે આખો દિવસ લાગશે કે હું વડા પ્રધાન બની ચૂક્યો છું . આ સમજવામાં કે નિર્ણય ક્યાંથી લઇશું ત્યાં સુધી ખબર પડશે કે હવે સમય થઇ ગયો છે. ફિલ્મમાં પંકજ ત્રિપાઠીના અભિનયના દરેક લોકો વખાણ કરી રહ્યા છે. લોકોને ફિલ્મની વાર્તા ભલે પસંદ ન આવી હોય પરંતુ તેમની એક્ટિંગ પર કોઈ સવાલ ઉઠાવી શકે નહીં.
પંકજ ત્રિપાઠીએ નેપોટિઝમ અંગે શું કહ્યું?
આ સિવાય પંકજ ત્રિપાઠીએ પણ નેપોટિઝમ ને લઈને પોતાનો મત વ્યક્ત કર્યો હતો. નેપોટિઝમ ના પ્રશ્નના જવાબમાં તેમણે કહ્યું કે વિશ્વના દરેક ક્ષેત્રમાં નેપોટિઝમ થાય છે. દરેક અન્ય ક્ષેત્રના લોકોના ઇન્ટરવ્યુ લેવામાં આવતા નથી, તેથી મુદ્દો ઉભો થતો નથી અને ફરીથી ટેલેન્ટ એ ટેલેન્ટ છે. એ પણ જરૂરી છે કે જો પરિવારમાં બાળક ટેલેન્ટેડ હોય તો વસ્તુઓને ટેલેન્ટથી માપવી જોઈએ.
અટલ બિહારી વાજપેયીની બાયોપિકમાં જોરદાર અભિનય
પંકજ ત્રિપાઠીએ પોતાના અભિનય દ્વારા લોકોમાં પોતાની ઓળખ ઉભી કરી છે. 19 જાન્યુઆરીએ રિલીઝ થયેલી તેની ફિલ્મ બોક્સ ઓફિસ પર સારી કમાણી કરી રહી છે. ફિલ્મની વાર્તાની વાત કરીએ તો અટલજીના બાળપણથી લઈને મોટા થવા અને રાજકારણની દુનિયામાં પ્રવેશવા સુધીના દરેક પાસાઓને ખૂબ જ સારી રીતે દર્શાવવામાં આવ્યા છે. જ્યારથી ફિલ્મનું પહેલું પોસ્ટર રિલીઝ થયું છે ત્યારથી લોકો પંકજ ત્રિપાઠીને આ બાયોપિક કરતા જોવા માટે ઉત્સાહિત હતા.
