શિવસેના UBTએ 65 ઉમેદવારોની યાદી જાહેર કરી, જાણો કોને ક્યાંથી મળી ટિકિટ
Maharashtra elections: મહારાષ્ટ્ર વિધાનસભા ચૂંટણી-2024ને ધ્યાનમાં રાખીને શિવસેના યુબીટીએ તેના ઉમેદવારોના નામોની યાદી જાહેર કરી છે. નોંધનીય છે કે, મહારાષ્ટ્રમાં 20 નવેમ્બરે એક તબક્કામાં મતદાન થશે અને ચૂંટણીના પરિણામો 23 નવેમ્બરે જાહેર થશે. આ દરમિયાન મહાવિકાસ અઘાડીમાં સીટ વહેંચણીની ફોર્મ્યુલા પણ નક્કી કરવામાં આવી છે. તમને જણાવી દઈએ કે મહારાષ્ટ્રમાં મહાવિકાસ અઘાડી, શિવસેના, યુબીટી, એનસીપી શરદચંદ્ર પવાર અને કોંગ્રેસની ત્રણેય પાર્ટીઓ 85-85 સીટો પર ચૂંટણી લડશે. આ દરમિયાન હવે શિવસેના UBT પોતાના 65 ઉમેદવારોના નામની જાહેરાત કરી રહી છે.
The #UddhavThackeray led #ShivSenaUBT has announced its first list of 65 candidates. Aaditya Thackeray to contest from Worli. The party has announced the candidature of Deepak Aaba Salunkhe from Sangola, where MVA ally PWP has already fielded Babasaheb Deshmukh, the grandson of… pic.twitter.com/GJgHSm2i78
— Dhaval Kulkarni (धवल कुलकर्णी) 🇮🇳 (@dhavalkulkarni) October 23, 2024
કોને ક્યાંથી ટિકિટ મળી?
આ સાથે કોપરી-પચપખારીથી કેદાર દિઘે, થાણેથી રાજન વિચારે, ઐરોલીથી એમકે માધવી, મગાથાણેથી ઉદેશ પાટેકર, વિક્રોલીથી સુનિલ રાઉત, ભાંડુપ પશ્ચિમથી રમેશ કોરગાંવકર, જોગેશ્વરી પૂર્વથી અનંત નાર, દિંડોશીથી સુનીલ પ્રભુ, ગોરેગાંવથી સમીર દેસાઈ, ચેમ્બુરથી પ્રકાશ ફટાર્પેકર, અંધેરી પૂર્વથી રૂતુજા લટકે, કુર્લાથી પ્રવીણા મોરજકર, કાલીનાથી સંજય પોટનિસ, વાંદ્રેથી વરુણ સરદેસાઈને ટિકિટ આપવામાં આવી છે.
ત્રણેય MVA પક્ષો 85-85 બેઠકો પર ચૂંટણી લડશે
સંજય રાઉત, જયંત પાટીલ, નાના પટોલે અને બાળાસાહેબ થોરાટે પત્રકાર પરિષદ યોજી હતી. આ દરમિયાન સંજય રાઉતે કહ્યું કે અમે બધા અહીં સાથે છીએ. છેલ્લી બેઠક શરદ પવારના નેતૃત્વમાં યોજાઈ હતી. શરદ પવારે અમને મીડિયા સમક્ષ જઈને MVA સીટ શેરિંગ ફોર્મ્યુલાની જાહેરાત કરવાનો નિર્દેશ આપ્યો હતો. ઉદ્ધવ જૂથ, કોંગ્રેસ, શરદ જૂથ અને ગઠબંધન ભાગીદારો જેમ કે SP, AAP અને અન્યોએ યોગ્ય બેઠકોની વહેંચણી કરી છે. ત્રણેય પક્ષો 85-85 બેઠકો પર ચૂંટણી લડશે. કુલ 270 બેઠકોની વહેંચણીની ફોર્મ્યુલા નક્કી કરવામાં આવી છે. બાકીની બેઠકો પર વધુ ચર્ચા થશે. અમે તમામ 288 બેઠકો પર સાથે મળીને ચૂંટણી લડવાના છીએ.
