Rishabh pantએ સાથી ખેલાડીને સ્વિમિંગ પુલમાં ફેંકી દીધો, વીડિયો વાયરલ
Rishabh Pant: ભારતીય ટીમના વિકેટકીપર બેટ્સમેન પંતની મસ્તી વિશે ઘણી ચર્ચા થઈ રહી છે. તેના સાથી ખેલાડીઓ સાથે તેની મસ્તીનો વીડિયો ઘણી વખત સામે આવે છે. ફરી એક વાર આવો જ એક વીડિયો સામે આવ્યો છે. જેમાં તે તેના મિત્રને મસ્તી કરીને સ્વિમિંગ પૂલમાં ફેંકી દે છે. જેનાથી ખેલાડી ગુસ્સે થઈ જાય છે. આ વીડિયો ખુબ વાયરલ થઈ રહ્યો છે.
તોફાની બેટિંગ
ભારતીય ટીમનો વિકેટકીપર બેટ્સમેન રિષભ પંત તેની તોફાની બેટિંગ માટે જાણીતો છે. તેની બેટિંગને કારણે તે જાણીતો છે. પરંતુ પંતની મસ્તી વિશે ઘણી વાતો થાય છે. રોહિત શર્મા, સૂર્યકુમાર યાદવ અને ટીમ ઈન્ડિયાના અન્ય ઘણા ખેલાડીઓએ પંતની મસ્તીની વાતો કરતા જોવા મળ્યા હતા. પંતની મસ્તીનો ફરી એક વીડિયો સામે આવ્યો છે. જેમાં એકબીજા ખેલાડીઓ મજાક કરી રહ્યા હતા અને ત્યારબાદ પંત સાથી ખેલાડીને પાણીમાં ફેંકી દે છે.
Pant bhai ye kya kiya 🥵😭 pic.twitter.com/PWIe3jJElC
— Star Boy ⭐ (@Star_boy_55) July 15, 2024
હસતા હસતા તેની તરફ
તમને જણાવી દઈએ કે પંત જેની સાથે મસ્તી કરી રહ્યો છે તે છે ઝડપી બોલર ખલીલ અહેમદ. આ વીડિયો અમેરિકા અને વેસ્ટ ઈન્ડિઝ દ્વારા સંયુક્ત રીતે આયોજિત T20 વર્લ્ડ કપ દરમિયાન લેવામાં આવ્યો હોય તેવું કહેવામાં આવી રહ્યું છે. ખલીલ વર્લ્ડ કપ ટીમના રિઝર્વ ખેલાડીઓમાં સામેલ હતો. વીડિયોમાં જોઈ શકાય છે કે અચાનક ખલીલ પાછળતી આવે છે અને પંતને ગળે લગાવી લે છે. પંત તેને ગળે લગાવે છે અને પછી કંઈક બોલે છે. આ પછી તે ખલીલને પૂલમાં ધકેલી દે છે અને ખલીલ પૂલમાં પડી જાય છે. આ વીડિયોમાં જોઈ શકાય છે કે ખલીલ થોડીવાર આશ્ચર્યથી પંત તરફ જુએ છે પરંતુ પંત તેનાથી મોં ફેરવીને વચ્ચે તરફ આગળ વધે છે. ખલીલ પાછો પૂલમાં આવે છે અને પછી પંત પણ હસતા હસતા તેની તરફ આવવા લાગે છે.
