મનુ ભાકર પાસે ભારત માટે વધુ ઓલિમ્પિક મેડલ જીતવાની તક

Manu Bhaker Paris Olympics 2024: ભારતની સ્ટાર શૂટર મનુ ભાકર ભારતની પહેલી એવી ખેલાડી બની છે જેણે એક જ ઓલિમ્પિકમાં બે મેડલ જીતવાની સિદ્ધિ હાંસલ કરી છે. હજુ પણ એક મેડલ મનુ જીતી શકે છે. આ દિવસે સ્પર્ધા યોજાશે.

બ્રોન્ઝ મેડલ પ્રાપ્ત કર્યો
મનુ ભાકરે મંગળવારે ભારતીય ખેલ ઇતિહાસમાં પોતાનું અલગ નામ નોંધાવી દીધું છે. તે એક જ ઓલિમ્પિક ગેમ્સમાં બહુવિધ મેડલ જીતનારી પ્રથમ ભારતીય મહિલા બની ગઈ છે. મનુએ પેરિસ ઓલિમ્પિકમાં સરબજોત સિંહ સાથે મળીને 10 મીટર એર પિસ્ટલ મિક્સ્ડ ટીમ ઈવેન્ટમાં દક્ષિણ કોરિયાને 16-10થી હરાવીને બ્રોન્ઝ મેડલ પ્રાપ્ત કર્યો છે. અગાઉ તેણે મહિલાઓની 10 મીટર એર પિસ્તોલ વ્યક્તિગત સ્પર્ધામાં બ્રોન્ઝ મેડલ પ્રાપ્ત કર્યો છે.

પહેલો મેડલ જીતનાર એથ્લેટ
આ વર્ષના ઓલિમ્પિકમાં મનુ ભાકરે પહેલો મેડલ જીતનાર છે. તેણે મેડલની ટેલીની શરૂઆત કરી હતી. આ સાથે તેમણે એક રેકોર્ડ પણ બનાવી દીધો છે. તે એક જ ઓલિમ્પિક ગેમ્સમાં બહુવિધ મેડલ જીતનારી પ્રથમ ભારતીય મહિલા બની ગઈ છે. આ પહેલા પીવી સિંધુ એકમાત્ર ભારતીય એથ્લેટ છે જેમણે ઓલિમ્પિકમાં બે મેડલ જીત્યા છે. પરંતુ તેના મેડલ બે અલગ-અલગ વર્ષમાં આવ્યા હતા, પરંતુ મનુએ આ જ ઓલિમ્પિકમાં આ સિદ્ધિ મેળવી છે જે આજ દિન સુધી કોઈ કરી શક્યું નથી.

આ પણ વાંચો: SL vs IND પિચ રિપોર્ટ, આવું રહેશે હવામાન

 આ તારીખે રમશે
હવે તમને જણાવી દઈએ કે મનુની આગામી મેચ કઈ તારીખે હશે. મનુ ભાકરે હજુ 25 મીટર એર પિસ્તોલ સ્પર્ધામાં ભાગ લીધો નથી અને તેની પાસે ત્રીજો મેડલ જીતવાની તક પણ છે. આ ઇવેન્ટ 2 ઓગસ્ટે યોજાવાની છે. જો મનુ પ્રથમ દિવસે ફાઈનલ માટે પોતાનું સ્થાન નક્કી કરી લે છે તો તેને ફાઈનલમાં રમવાની તક મળશે. જેની આગામી મેચ બીજા દિવસે એટલે કે 3જી ઓગસ્ટે યોજાશે. મનુ ભાકર ઓલિમ્પિકમાં વધુ એક મેડલ જીતીને ઇતિહાસ રચી શકે છે.