ઉત્તરાખંડમાં બદ્રીનાથ હાઇવે પર ભયાનક માર્ગ અકસ્માત, 9 લોકોના મોત
રુદ્રપ્રયાગ: રુદ્રપ્રયાગમાં બદ્રીનાથ હાઈવે પર એક મોટો માર્ગ અકસ્માત થયો અને એક ટેમ્પો ટ્રાવેલર નદીમાં પડી ગયો. ટ્રાવેલરમાં લગભગ 23 મુસાફરો હતા. સ્ટેટ ડિઝાસ્ટર રિસ્પોન્સ ફોર્સ (SDRF) અને પોલીસની ટીમો બચાવ કામગીરી કરી રહી છે. આ અકસ્માતમાં અત્યાર સુધીમાં 9 લોકોના મોત થયા છે. ટીમ ઘાયલોને એમ્બ્યુલન્સ મારફતે હોસ્પિટલ લઈ ગઈ છે. રાહત બચાવ કાર્ય ચાલુ છે.
ઉત્તર પ્રદેશના મુખ્યમંત્રી પુષ્કર સિંહ ધામીએ ટ્વિટર પર પોસ્ટ કર્યું, ‘રુદ્રપ્રયાગ જિલ્લામાં ટેમ્પો ટ્રાવેલરના અકસ્માતના ખૂબ જ દુઃખદ સમાચાર મળ્યા. સ્થાનિક વહીવટીતંત્ર અને એસડીઆરએફની ટીમ રાહત અને બચાવ કામગીરીમાં લાગેલી છે. ઘાયલોને સારવાર માટે નજીકના મેડિકલ સેન્ટરમાં મોકલવામાં આવ્યા છે. જિલ્લા મેજિસ્ટ્રેટને ઘટનાની તપાસના આદેશ આપવામાં આવ્યા છે.
તેમણે આગળ લખ્યું, હું ભગવાનને પ્રાર્થના કરું છું કે મૃતકોની આત્માને શાંતિ મળે અને શોકગ્રસ્ત પરિવારના સભ્યોને આ અપાર દુઃખ સહન કરવાની શક્તિ આપે. હું બાબા કેદારને ઈજાગ્રસ્તોના ઝડપથી સાજા થવા માટે પ્રાર્થના કરું છું.
जनपद रुद्रप्रयाग में टेम्पो ट्रैवलर के दुर्घटनाग्रस्त होने का अत्यंत पीड़ादायक समाचार प्राप्त हुआ। स्थानीय प्रशासन व SDRF की टीमें राहत एवं बचाव कार्यों में जुटी हुई है। घायलों को नज़दीकी चिकित्सा केंद्र पर उपचार हेतु भेज दिया गया है। ज़िलाधिकारी को घटना की जाँच के आदेश दे दिए…
— Pushkar Singh Dhami (@pushkardhami) June 15, 2024
પ્રવાસી યુપીથી રૂદ્રપ્રયાગ જઈ રહ્યા હતા
ગઢવાલના આઈજી કરણ સિંહ નાગ્યાલે જણાવ્યું હતું કે, “રુદ્રપ્રયાગ એસપી ઘટનાસ્થળે છે…ટેમ્પો ટ્રાવેલર નોઈડા (યુપી)થી રૂદ્રપ્રયાગ તરફ આવી રહ્યું હતું…તે 150-200 મીટર ઊંડી ખીણમાં પડી ગયું. 7 લોકોના મૃતદેહ મળી આવ્યા.” હોસ્પિટલમાં લઈ જવામાં આવ્યા હતા, જેમાંથી ડ્રાઈવર ગંભીર રીતે ઘાયલ થયો હતો તે સ્પષ્ટ નથી કે વાહનમાં કેટલા લોકો હતા.
