ઈઝરાયલે અલગ રીતે ભારતને Friendship Dayની શુભેચ્છા પાઠવી, કહ્યું- તેરે જૈસા યાર કહાં…
Israel wished India: ઈઝરાયલ-હમાસ યુદ્ધને કારણે ઈરાન અને લેબેનોન સહિત સમગ્ર મધ્ય પૂર્વ એશિયામાં ભારે તણાવ છે. હમાસ ચીફ ઈસ્માઈલ હનીયા ઉર્ફે ઈસ્માઈલ હનીયેહની થોડા દિવસ પહેલા થયેલી હત્યાથી ઈઝરાયેલ અને ઈરાન વચ્ચે યુદ્ધ થવાનું જોખમ વધી ગયું છે. બંને દેશો વચ્ચે ગમે ત્યારે યુદ્ધ થઇ શકે છે. આવી જટિલ પરિસ્થિતિ પછી, ઇઝરાયલે તેના મિત્ર ભારતને ખૂબ જ નવી અને ફિલ્મી શૈલીમાં અભિનંદન આપીને બધાને ચોંકાવી દીધા છે. ઇઝરાયલ એમ્બેસીએ સોશિયલ મીડિયા પર ઇઝરાયલ અને ભારતના રાષ્ટ્રધ્વજ સાથે એક ગ્રાફિક ચિત્ર (કૃત્રિમ છબી) શેર કર્યું છે જેમાં બંને દેશોની મિત્રતા દર્શાવવામાં આવી છે અને તેની સાથે લખ્યું છે – તેરે જૈસા યાર કહાં, કહાં એસા યારાના…
🎶तेरे जैसा यार कहाँ, कहाँ ऐसा याराना 🎶
Wishing our dear friend, India, a very Happy #FriendshipDay! 🇮🇳🤝🇮🇱
May our ever-strengthening friendship & #GrowingPartnership touch greater heights.#FriendshipDay2024 pic.twitter.com/1OfnXsxweh
— Israel in India (@IsraelinIndia) August 4, 2024
ઈઝરાયેલે પોસ્ટમાં આગળ લખ્યું, મારા પ્રિય મિત્ર ભારત, તમને ફ્રેન્ડશીપ ડે પર હાર્દિક અભિનંદન. આપણી સતત વધતી જતી મિત્રતા અને પરસ્પર ભાગીદારી નવી ઊંચાઈએ પહોંચે. હેપ્પી ફ્રેન્ડશીપ ડે 2024… ઈઝરાયેલના આ મેસેજે સોશિયલ મીડિયા પર સનસનાટી મચાવી દીધી છે.આ પોસ્ટ ભારતમાં ઇઝરાયેલ એમ્બેસી દ્વારા કરવામાં આવી છે. ઈઝરાયેલ દ્વારા ભારતને આ રીતે અભિનંદન એ ભારત અને ઈઝરાયેલ વચ્ચેના સતત મજબૂત થતા સંબંધોનો જીવંત પુરાવો છે.
પીએમ મોદી અને વડાપ્રધાન નેતન્યાહુ સારા મિત્રો છે
ઈઝરાયેલ અને ભારત વચ્ચે આટલી મજબૂત મિત્રતાનું કારણ પીએમ મોદી અને ઈઝરાયેલના વડાપ્રધાન બેન્જામિન નેતન્યાહુ છે. બંને નેતાઓ વચ્ચે જબરદસ્ત મિત્રતા છે. આ એ વાતનો પણ પુરાવો છે કે 7 ઓક્ટોબર, 2023ના રોજ જ્યારે હમાસના આતંકવાદીઓએ એકસાથે 5000 રોકેટ વડે ઈઝરાયેલ પર હુમલો કર્યો અને 1250 ઈઝરાયલની હત્યા કરી, ત્યારે આ હુમલાને આતંકવાદી ગણાવનાર ભારત વિશ્વનો પહેલો દેશ હતો. આ મુશ્કેલ સમયમાં દરેક રીતે ઈઝરાયલ સાથે ઊભા રહેવાની પ્રતિબદ્ધતા પણ વ્યક્ત કરી હતી. ત્યારપછી ભારત અને ઈઝરાયલની મિત્રતા વધુ ગાઢ બની છે. દુનિયા પણ આશ્ચર્યમાં છે કારણ કે ઈઝરાયેલની સાથે ફિલિપાઈન્સ અને ઈરાન સાથે પણ ભારતના સંબંધો મજબૂત છે.
