નેપાળમાં હેલિકોપ્ટર ક્રેશ, 4 મુસાફરોના કરૂણ મોત
કાઠમંડુઃ નેપાળના નુવાકોટમાં એક હેલિકોપ્ટરને અકસ્માત નડ્યો છે. જેમાં 4 મુસાફરોના મોત થયા છે. જણાવવામાં આવી રહ્યું છે કે રસુવા જઈ રહેલા આ હેલિકોપ્ટરમાં પાંચ લોકો સવાર હતા. આ હેલિકોપ્ટરમાં ચાર ચીની નાગરિકો પણ સામેલ હતા. આ ઘટના 24 જુલાઈના રોજ ત્રિભુવન ઈન્ટરનેશનલ એરપોર્ટ પર એક પ્લેન ક્રેશ થયા બાદ સામે આવી છે, જેમાં 18 લોકોના મોત થયા હતા. આ દર્શાવે છે કે નબળા મેનેજમેન્ટને કારણે નેપાળમાં પ્લેન અકસ્માતો ખૂબ જ સામાન્ય બની ગયા છે. ઘટનાસ્થળે રાહત અને બચાવ કાર્ય ચાલી રહ્યું છે.
આ ઘટના આજે બની હોવાનું કહેવાય છે. આ હેલિકોપ્ટર ક્રેશ નેપાળના નુવાકોટના શિવપુરી વિસ્તારમાં થયું હતું. જેમાં એર ડાયનેસ્ટીનું હેલિકોપ્ટર ક્રેશ થયું હતું, જેમાં સવાર ઓછામાં ઓછા ચાર લોકોના મોત થયા હતા. ત્રિભુવન ઈન્ટરનેશનલ એરપોર્ટ પરના એક સ્ત્રોતે હિમાલયન ટાઈમ્સને જણાવ્યું હતું કે હેલિકોપ્ટર કાઠમંડુથી ઉડાન ભરીને સ્યાફ્રાઉબેન્સી જઈ રહ્યું હતું ત્યારે તે ક્રેશ થયું હતું.
