Gujarat Budget 2025: સ્પોર્ટ્સ ક્ષેત્રે કુલ રૂપિયા 1093 કરોડની કરાઈ જાહેરાત, જાણો તમામ માહિતી
Sports Department Budget: રમતગમત, યુવા અને સાંસ્કૃતિક પ્રવૃત્તિઓનો વિભાગ માટે કુલ રૂપિયા 1093 કરોડની જાહેરાત કરવામાં આવી છે. કનુભાઈ દેસાઈએ જાહેરાત કરતા જ જણાવ્યું કે ગુજરાતના ખેલાડીઓ રાષ્ટ્રીય અને આંતરરાષ્ટ્રીય કક્ષાએ ભાગ લઇ મેડલ મેળવી શકે તે માટે તેઓને ખાસ તાલીમ આપવાનું અને રમતગમત સંકુલોને આંતરરાષ્ટ્રીય કક્ષાના ધારા ધોરણ સાથે વિકાસ કરવાનું રાજ્ય સરકારનું લક્ષ્ય છે.
4 નવા સંગ્રહાલયો નિર્માણાધીન
રાજ્યના વિવિધ જીલ્લાઓમાં સ્પોર્ટ્સ કોમ્પ્લેક્ષના ઇન્ફ્રાસ્ટ્રકચરના વિકાસ અર્થે રૂપિયા 125 કરોડની જાહેરાત કરવામાં આવી છે. સ્પોર્ટ્સ ઓથોરીટી ઓફ ગુજરાત દ્વારા ગાંધીનગર ખાતે પેરા હાઈ પરફોર્મન્સ સેન્ટરનું નિર્માણ કરવા રૂપિયા 33 કરોડની જોગવાઇ કરવામાં આવી છે. પુરાતન સ્થળોને પર્યટક સ્થળ તરીકે વિકસાવવા અને સાંસ્કૃતિક વારસાના જતનના ઉદ્દેશથી 12 રક્ષિત સ્મારકોના સંરક્ષણની કામગીરી પૂર્ણ કરવામાં આવી છે અને બીજા 4 નવા સંગ્રહાલયો નિર્માણાધીન છે.
આ પણ વાંચો: ‘Thank You God’, છૂટાછેડાની અફવાઓ વચ્ચે યુઝવેન્દ્ર ચહલની કરી નવી પોસ્ટ
નરસિંહ મહેતા આંતરરાષ્ટ્રીય સંશોધન કેન્દ્ર
ગ્રંથાલયો માટે રૂપિયા 138 કરોડની જોગવાઇ કરવામાં આવી છે. 71 તાલુકા મથકોએ નવા ગ્રંથાલયો શરૂ કરવા રુપિયા 16 કરોડની જાહેરાત કરવામાં આવી છે. ગ્રંથાલય ભવનોના તબક્કાવાર નિર્માણ માટે આગામી વર્ષમાં 7 જિલ્લા ગ્રંથાલયો અને 15 તાલુકા ગ્રંથાલયો માટે રૂપિયા 14 કરોડની જોગવાઇ કરાઈ છે. 53 આદિજાતિ વિસ્તારના ગ્રંથાલયોમાં ઇ-લાયબ્રેરીની સુવિધાઓ વિકસાવવા માટે આયોજન. યુવક સેવા અને સાંસ્કૃતિક પ્રવૃત્તિઓ તેમજ સાહિત્ય અકાદમી માટે રૂપિયા 208 કરોડની જોગવાઇ. રાજ્યના લોકમેળાઓ પુન: જીવિત કરવા તથા કલા મહોત્સવના આયોજન માટે રુપિયા 17 કરોડની જોગવાઇ. દેશ-વિદેશનાં લોકો નરસિંહ મહેતા અને અન્ય મધ્યકાલીન ગુજરાતી સાહિત્યને જાણી અને માણી શકે તે માટે ‘નરસિંહ મહેતા આંતરરાષ્ટ્રીય સંશોધન કેન્દ્ર’ માટે રુપિયા 10 કરોડની જોગવાઇ.
