શિક્ષણમંત્રી પ્રફુલ પાનસેરિયાના નામે બની ફેક ફેસબુક પ્રોફાઈલ, મંત્રીએ સાયબર ક્રાઈમમાં નોંધાવી ફરિયાદ

અમદાવાદ: શિક્ષણમંત્રી પ્રફુલ પાનસેરિયાના નામે ફેક ફેસબુક પ્રોફાઈલ બની છે. ગત રાત્રે 11:30 કલાકે કોઈએ ફેક ફેસબુર પ્રોફાઈલ બનાવી હતી. પ્રફુલ પાનસેરિયાને આ બાબત ધ્યાનમાં આવતા તુરંત જ સાયબર ક્રાઈમ ડિપાર્ટમેન્ટમાં ફરિયાદ નોંધાવી છે.

શિક્ષણમંત્રી પ્રફુલ પાનસેરિયા જણાવ્યું કે, મારા નામથી ગતરાત્રે 11:30 કલાકે કોઈએ ફેસબુક પ્રોફાઈલ બનાવી હોવાનું મારા ધ્યાને આવ્યું છે. કોઈ અજાણ વ્યક્તિએ મારા ફેક એકાઉન્ટ દ્વારા નાગરિકો અને કાર્યકર્તાઓમાં ગેરસમજ ફેલાવવાનો પ્રયાસ કર્યો છે. આ અંગે હું સાયબર ક્રાઇમ ડિપાર્ટમેન્ટમાં અધિકૃત ફરિયાદ નોંધાવી છે.

આ એકાઉન્ટ મારું નથી અને આ પરથી કરવામાં આવેલા કોઈ પણ સંદેશા અથવા માગણીઓ પર વિશ્વાસ ન કરશો. આ ફેક ફેસબુક પ્રોફાઈલ પરથી કોઈએ પણ સંપર્ક સાધવો નહિ.

હું તમામ નાગરિકોને નમ્ર વિનંતી કરું છું કે આવા ખોટા એકાઉન્ટ સામે સાવચેત રહે અને કોઈ પણ વ્યક્તિના પ્રલોભનમાં ન આવે. જો તમે આ પ્રકારની પ્રવૃત્તિઓનો અનુભવ કરો, તો તુરંત જ સાયબર ક્રાઇમ ડિપાર્ટમેન્ટમાં જાણ કરો તેમજ આ ફેક ફેસબુક પ્રોફાઇલને રિપોર્ટ સ્પામ કરશો.