ગરમીની ઋતુમાં દહીંની સાથે આ વસ્તુઓ ભૂલથી પણ ના ખાવી

અમદાવાદ: ગરમીની ઋતુમાં શરીરને ઠંડૂં રાખવા માટે મોટા ભાગના લોકો દહીં ખાવાનું પસંદ કરે છે. તેના કારણે સ્વાસ્થ્યને અનેક પ્રકારના ફાયદા થાય છે. દહીમાં સોડિયમ, પોટેશિયમ, ફાઈબર, પ્રોટીન, કેલ્શિયમ, આયરન અને વિટામિન ડી જેવા ઘણા તત્વો રહેલા છે. દહી ગુણોનો ભંડાર છે, પરંતુ તેમ છતાં કેટલીક વસ્તુઓ સાથે ખાવાથી ફાયદા કરતા નુકસાન વધારે થાય છે. તો ચલો આજે જાણીએ દહીંની સાથે કઈ વસ્તુ ના ખાવી જોઈએ.

દહીં સાથે ગોળ ન ખાવો
જો તમે દહીંમાં ગોળ ભેળવીને ખાઓ છો, તો તમારે આજે જ આ બંનેને એકસાથે ખાવાનું બંધ કરી દેવું જોઈએ. દહીંમાં ગોળ ભેળવીને ખાવાથી તમારું વજન ઝડપથી વધી શકે છે. ગોળ અને દહીંની પ્રકૃતિ એકબીજાથી અલગ છે. એક તરફ ગોળ ગરમ પ્રકૃતિનો છે, તો દહીં ઠંડું સ્વભાવનું છે. આ બંનેનું એકસાથે સેવન કરવાથી ઉધરસ, શરદી, તાવ અને માથાનો દુખાવો જેવી સમસ્યાઓ થઈ શકે છે.

દૂધ અને દહીં
દૂધમાં દહીં ભેળવીને ક્યારેય ન પીવું જોઈએ. માત્ર દહીં જ નહીં પરંતુ તમારે દૂધ સાથે આથો બનાવેલી કોઈપણ વસ્તુ ન ખાવી જોઈએ. આમ કરવાથી તમે પેટના દુખાવાની સાથે-સાથે પાચન સંબંધી અન્ય ઘણી સમસ્યાઓથી પણ પરેશાન થઈ શકો છો.

આ પણ વાંચો: અમિત શાહના ફેક વીડિયોનો મામલો, MLA જિગ્નેશ મેવાણીના PA સહિત AAPના કાર્યકર્તાની ધરપકડ

દહીં અને ચા
દહીં અને ચા બંનેની વિપરીત અસરો છે, આ મિશ્રણ તમારા પાચનતંત્રને ધીમું કરી શકે છે. આટલું જ નહીં તમારી પાચન તંત્ર પણ આનાથી પ્રભાવિત થાય છે.

દહીં અને કેરી
કેટલાક લોકો મેંગો શેક સાથે દહીંનો ઉપયોગ કરે છે. ખરેખર, પ્રાણી પ્રોટીન દહીંમાં જોવા મળે છે જે કોઈપણ ફળ સાથે ભળ્યા પછી શરીરમાં આથો લાવી શકે છે. તેનાથી શરીરમાં અપચો, એસિડિટી જેવી ઘણી સમસ્યાઓ થઈ શકે છે.