મમતા બાદ નીતિશે પણ રાહુલને આપ્યો ઝટકો, ભારત જોડો ન્યાય યાત્રામાં સામેલ નહીં થાય
લોકસભાની ચૂંટણી પહેલા દેશમાં છેલ્લા દિવસોમાં ચૂંટણીનો ધમધમાટ શરૂ થયો છે. દરમિયાન, બિહારના સીએમ નીતિશ કુમારની પાર્ટી જેડીયુ પણ કોંગ્રેસના નેતૃત્વ હેઠળના ઈન્ડિયા ગઠબંધનના ઘટક પક્ષોમાં સામેલ છે. પરંતુ આ દરમિયાન એક એવા સમાચાર સામે આવ્યા છે જેણે ઘણા સવાલો ઉભા કર્યા છે. કોંગ્રેસ નેતા રાહુલ ગાંધી ભારત જોડો ન્યાય યાત્રા કરી રહ્યા છે. દરમિયાન રાહુલ 30 જાન્યુઆરીએ બિહારના પૂર્ણિયામાં રેલી કરવાના છે. પરંતુ સૂત્રોનું કહેવું છે કે નીતિશ કુમારે આ રેલીથી પોતાને દૂર રાખ્યા છે. રાહુલની ભારત જોડો ન્યાય યાત્રા પૂરજોશમાં ચાલી રહી છે. હાલમાં આ યાત્રા ગઈકાલે પશ્ચિમ બંગાળમાં પ્રવેશી છે. પરંતુ ગઈકાલે, રાહુલ ગાંધી અને ઈન્ડિયા ગઠબંધનને જોરદાર ફટકો પડ્યો છે કારણ કે પશ્ચિમ બંગાળના મુખ્યમંત્રી મમતા બેનર્જીએ બંગાળમાં એકલા ચૂંટણી લડવાનો નિર્ણય કર્યો છે.
રોહિણી આચાર્યનો મુખ્યમંત્રી નીતીશ કુમાર પર કટાક્ષ
તો બીજી તરફ બિહારના પૂર્વ મુખ્યમંત્રી અને આરજેડી પ્રમુખ લાલુ પ્રસાદ યાદવની પુત્રી રોહિણી આચાર્યએ મુખ્યમંત્રી નીતીશ કુમાર પર કટાક્ષ કર્યો છે. રોહિણી આચાર્યએ નીતીશ કુમારના પક્ષ બદલવાને લઈને સોશિયલ મીડિયા X પર નિશાન સાધ્યું છે. રોહિણીએ લખ્યું છે કે, તે છે જે સમાજવાદી નેતા હોવાનો દાવો કરે છે, જેની વિચારધારા પવનની જેમ બદલાય છે.
https://twitter.com/RohiniAcharya2/status/1750407713698496527?ref_src=twsrc%5Etfw%7Ctwcamp%5Etweetembed%7Ctwterm%5E1750407713698496527%7Ctwgr%5E076897940280cbf064e227af4d7985b56a6aa605%7Ctwcon%5Es1_&ref_url=https%3A%2F%2Fwww.tv9hindi.com%2Fstate%2Fbihar%2Frohini-acharya-lalu-daughter-on-nitish-kumar-rjd-vs-jdu-bihar-politics-india-alliance-2383127.html
નીતિશ ભારત જોડો ન્યાય યાત્રામાં સામેલ નહીં થાય
રાહુલ ગાંધીની ભારત જોડો ન્યાય યાત્રા 29 જાન્યુઆરીએ કિશનગંજમાં પ્રવેશવા જઈ રહી છે. 30 જાન્યુઆરીએ મહાત્મા ગાંધીના શહીદ દિવસ પર રાહુલ બિહારના પૂર્ણિયામાં એક રેલીમાં જનતાને સંબોધિત કરશે. કોંગ્રેસ વિધાયક દળના નેતા શકીલ ખાન કોંગ્રેસ અધ્યક્ષ ખડગેના આમંત્રણ પત્ર સાથે બિહારના સીએમ નીતિશ કુમાર પાસે ગયા હતા. પરંતુ નીતિશે આ રેલીમાં ભાગ લેવાનો ઇનકાર કર્યો હતો. સૂત્રોનું કહેવું છે કે ગાંધીજીના શહીદ દિવસ પરના કાર્યક્રમને કારણે નીતિશે આ આમંત્રણને ફગાવી દીધું છે.
આ પણ વાંચો : “સપને નહિ હકીકત બુનતે હૈ, તભી તો સબ મોદી કો ચુનતે હૈ”… ભાજપે લોકસભા ચૂંટણી માટે પ્રચાર શરૂ કર્યો
રાહુલની યાત્રા બિહારના 7 જિલ્લામાંથી પસાર થશે
કોંગ્રેસ નેતા રાહુલ ગાંધીની ભારત જોડો ન્યાય યાત્રા 29 જાન્યુઆરીએ બિહારમાં પ્રવેશ કરશે. કિશનગંજ થઈને પ્રવેશતી યાત્રા 30 જાન્યુઆરીએ પૂર્ણિયા પહોંચશે. આ પછી 31મી જાન્યુઆરીએ કટિહારમાં રેલી થશે અને 1લી ફેબ્રુઆરીએ યાત્રા અરરિયા થઈને ઝારખંડમાં પ્રવેશ કરશે. આ યાત્રા, બિહારના 7 જિલ્લામાંથી પસાર થશે અને કુલ 425 કિલોમીટરનું અંતર કાપશે.
