‘જે લોકોને ત્રણથી વધુ બાળકો છે, તેમણે…’, વસ્તી નિયંત્રણનના કાયદાને લઈ રાજસ્થાનના મંત્રીનું નિવેદન
Rajasthan: રાજસ્થાનની ભજનલાલ સરકારના કેબિનેટ મંત્રી ઝબર સિંહ ખરાએ વસ્તી નિયંત્રણ કાયદાને લઈને મોટું નિવેદન આપ્યું છે. તેમણે કહ્યું કે જે લોકોને ત્રણથી વધુ બાળકો હોય તેમને સરકારી લાભોથી વંચિત રાખવા જોઈએ. કેબિનેટ મંત્રી ઝબર સિંહ ખરા રવિવારે (14 જુલાઈ) એક દિવસની મુલાકાતે પાલી પહોંચ્યા હતા. અહીં તેમણે જિલ્લા પરિષદમાં બેઠક યોજી હતી. આ પછી તેમણે વસ્તી નિયંત્રણ કાયદાને લઈને મોટો દાવો કર્યો હતો.
મંત્રી ઝબરસિંહ ખરાએ જણાવ્યું હતું કે, “રાજ્ય અને કેન્દ્ર સરકારના સ્તરે ગંભીર ચર્ચા ચાલી રહી છે કે વસ્તી નિયંત્રણ કાયદો અમલમાં મૂકવો જોઈએ. ત્રણથી વધુ બાળકો હોય તેવા લોકોને સરકારી લાભોથી વંચિત રાખવા જોઈએ. વસ્તી નિયંત્રણ કાયદો રોકવા માટે જરૂરી છે.
#WATCH | Jaipur: Rajasthan Minister Jhabar Singh Kharra says, “… Serious discussions are going on at the state and the central government level that the population control act should be implemented. People who have more than three children should be deprived of government… pic.twitter.com/cgZq1XMltj
— ANI MP/CG/Rajasthan (@ANI_MP_CG_RJ) July 15, 2024
બજેટ પર વાત
કેબિનેટ મંત્રીએ રાજસ્થાન સરકારના બજેટ વિશે પણ વાત કરી. તેમણે કહ્યું કે, “રાજ્યના વિકાસને ધ્યાનમાં રાખીને આ બજેટ બનાવવામાં આવ્યું છે. સરકારે બજેટમાં જે પણ જાહેરાતો કરી છે, તે કોઈપણ સંજોગોમાં પૂર્ણ કરવામાં આવશે. ખરાએ કહ્યું કે, ભાજપ માત્ર જાહેરાતો જ નથી કરતી, તેને પૂરી પણ કરે છે. તેને ટૂંક સમયમાં પૂર્ણ કરવાનો સંકલ્પ કરે છે.”
#WATCH | Jaipur: On the bill to control population, Rajasthan Minister Jogaram Patel says, “Various people are expressing their thoughts on this topic… There is no proposal in front of the government regarding this. It is a fact that there is an imbalance in population and… pic.twitter.com/Zv4X8YWseJ
— ANI MP/CG/Rajasthan (@ANI_MP_CG_RJ) July 15, 2024
તેમણે કહ્યું કે, “સત્તામાં આવતા પહેલા પાર્ટી દ્વારા જારી કરાયેલા ઠરાવ પત્ર મુજબ તમામ વિભાગોને સૂચનાઓ પણ આપવામાં આવી છે. ડબલ એન્જિનની સરકાર બન્યા પછી રાજ્યની જનતાને સરકારમાં વિશ્વાસ હોવો જોઈએ. દરેક આપેલું વચન સમયસર પૂરું થશે.”
આ પણ વાંચો : BJPની ખોટી નીતિઓનું પરિણામ… ડોડામાં 5 જવાન શહીદ થવા પર રાહુલે સાધ્યું નિશાન
વસ્તી નિયંત્રણ અંગે ચર્ચા કરવાની જરૂર છે – જોગારામ પટેલ
વસ્તી નિયંત્રણ બિલ પર રાજસ્થાનના મંત્રી જોગારામ પટેલે કહ્યું કે, “વિવિધ લોકો આ વિષય પર પોતપોતાના મંતવ્યો વ્યક્ત કરી રહ્યા છે. સરકાર સમક્ષ આ અંગે કોઈ પ્રસ્તાવ નથી. એ વાત સાચી છે કે વસ્તીમાં અસંતુલન છે અને તેના પર ચર્ચા કરવામાં આવી છે. દેશ અને રાજ્યના કલ્યાણ માટે વસ્તી સંતુલન જરૂરી છે.”
