ટ્રમ્પના શપથ ગ્રહણ પહેલા અમેરિકામાં કુદરતનો કહેર! લોકોને ઘરની બહાર ન નીકળવા અપીલ
US President Donald Trump: થોડા કલાકો પછી, ડોનાલ્ડ ટ્રમ્પ અમેરિકાના રાષ્ટ્રપતિ તરીકે શપથ લેશે. અમેરિકાના સમય મુજબ, ડોનાલ્ડ ટ્રમ્પ બપોરે 12 વાગ્યે અમેરિકાના 47મા રાષ્ટ્રપતિ તરીકે શપથ લેશે. કડકડતી ઠંડીને કારણે, ડોનાલ્ડ ટ્રમ્પનો શપથ ગ્રહણ સમારોહ 40 વર્ષ પછી કેપિટલ હિલના રોટુન્ડા હોલમાં યોજાશે. ટ્રમ્પ પહેલા, 1985માં રોનાલ્ડ રીગનનો શપથ ગ્રહણ સમારોહ પણ ઇન્ડોર યોજાયો હતો. વોશિંગ્ટન ડીસીમાં ઠંડીને ધ્યાનમાં રાખીને, ટ્રમ્પે તેમના સમર્થકોને રસ્તાઓ પર ઉજવણી ન કરવા અને ઘરે રહેવાની અપીલ કરી છે. ડોનાલ્ડ ટ્રમ્પે તેમના શપથ ગ્રહણ પહેલા સ્પષ્ટ કરી દીધું છે કે તેઓ રાષ્ટ્રપતિ તરીકે શપથ લેતાની સાથે જ 100 મહત્વપૂર્ણ ફાઇલો પર હસ્તાક્ષર કરશે. જોકે, તેમણે પહેલાથી જ સ્પષ્ટ કરી દીધું છે કે બોર્ડરને મજબૂત બનાવશે. જેમ તેમણે તેમના પહેલા કાર્યકાળમાં કર્યું હતું.
આ પણ વાંચો: અહીંયાની ગુજરાતી થાળીનો સ્વાદ જીભે લાગી જશે પછી બીજે જવાનું મન નહીં થાય | Swadni Safar With Jaydip
અમે અમેરિકાને ફરીથી મહાન બનાવીશું: ટ્રમ્પ
સંસદની અંદર શપથ ગ્રહણ સમારોહ વિશે માહિતી આપતા ટ્રમ્પે કહ્યું, ‘અમેરિકામાં ઉત્તર ધ્રુવ નજીક બરફનું તોફાન ચાલી રહ્યું છે. તે નથી ઇચ્છતા કે લોકોને કોઈ પણ રીતે તકલીફ પડે. એટલા માટે તેમણે કેપિટલ રોટુન્ડામાં ઉદ્ઘાટન ભાષણ આપવાનો આદેશ પણ આપ્યો છે. દરેક વ્યક્તિ સુરક્ષિત રહેશે, દરેક ખુશ રહેશે, અને સાથે મળીને આપણે અમેરિકાને ફરીથી મહાન બનાવીશું.
