દિલ્હીમાં પ્રદુષણ ખતરનાક સ્તરે પહોંચ્યું… 25 વિસ્તારમાં AQI 300ને પાર, અનેક જગ્યાએ રેલ એલર્ટ

Delhi: દિલ્હીની હવાની ગુણવત્તામાં સુધારો થયો નથી. મોટાભાગના વિસ્તારોમાં પ્રદૂષણની સ્થિતિ ગંભીર શ્રેણીમાં રહે છે. આનંદ વિહારનો એર ક્વોલિટી ઇન્ડેક્સ (AQI) સૌથી વધુ 393 નોંધાયો હતો. IHBAS (દિલશાદ ગાર્ડન) ખાતે સૌથી ઓછું AQI 197 નોંધાયું હતું. એક તરફ ઠંડી અને ધુમ્મસના કારણે દિલ્હીના લોકોની મુશ્કેલીઓ વધી ગઈ છે. બીજી તરફ, AQI નું વધતું સ્તર પણ લોકો માટે ચિંતાનો વિષય છે.

આ દિવસોમાં દિલ્હીમાં ભારે ઠંડી પડી રહી છે. ઠંડી અને ધુમ્મસની સાથે પ્રદૂષણના સ્તરે પણ લોકોની ચિંતા વધારી છે. રવિવારે, દિલ્હીના 25 વિસ્તારો AQI રેડ એલર્ટમાં છે. 10 વિસ્તારો ઓરેન્જ એલર્ટમાં છે. આ સાથે ફક્ત એક જ વિસ્તારમાં AQI માટે યલો એલર્ટ છે. વધતા પ્રદૂષણને કારણે લોકોને શ્વાસ લેવામાં તકલીફ પડી રહી છે. આજે દિલ્હીનો એકંદર AQI 319 નોંધાયો છે. ખરાબ હવાની ગુણવત્તાને કારણે, દિલ્હીના લોકોને શ્વાસ લેવામાં તકલીફ પડી રહી છે.

આ પણ વાંચો: ભારત-બાંગ્લાદેશ સરહદ પર ફરી પરિસ્થિતિ વણસી, ખેડૂતો વચ્ચે બોલાચાલી બાદ ઘર્ષણ થયું