Year Ender 2024: બોલિવૂડ ફિલ્મો-વેબ સિરીઝમાં જોરદાર ડેબ્યૂ કરનારા 6 કલાકારો
Bye Bye 2024 Entertainment: વર્ષ 2024 બોલિવૂડ માટે શાનદાર રહ્યું, જ્યાં નવી પ્રતિભાઓએ તેમના જોરદાર પ્રદર્શનથી દર્શકોના દિલ જીતી લીધા. આ નવોદિત કલાકારોએ ક્ષમતા પુરવાર કરી એટલું જ નહીં ઇન્ડસ્ટ્રીમાં અલગ ઓળખ પણ બનાવી હતી. ચાલો છ નવા સ્ટાર્સ પર એક નજર કરીએ જેમણે તેમના પ્રભાવશાળી ડેબ્યૂથી લોકોને પ્રભાવિત કર્યા.
લિસા મિશ્રા (Lisa Mishra) – કોલ મી બે
સિંગરમાંથી અભિનેત્રી બનેલી લિસા મિશ્રાએ તેની વેબ સિરીઝ કૉલ મી બેથી શાનદાર ડેબ્યૂ કર્યું હતું. તેણે એક આધુનિક અને સ્વતંત્ર મહિલાના જટિલ જીવન અને સંબંધોને પડદા પર ખૂબ જ સંવેદનશીલ રીતે દર્શાવ્યા છે. તેના મધુર અવાજ માટે પ્રખ્યાત, લિસાએ અભિનયની દુનિયામાં પ્રવેશતાની સાથે જ દર્શકોને પ્રભાવિત કર્યા. વિવેચકો અને પ્રેક્ષકો દ્વારા તેમની સ્ક્રીન હાજરી અને કુદરતી અભિનયની ખૂબ પ્રશંસા કરવામાં આવી હતી. લિસાએ OTT પ્લેટફોર્મ પર પોતાની એક અલગ ઓળખ બનાવી છે.
લક્ષ્ય લાલવાણી (Lakshya Lalwani)- કિલ
લક્ષ્ય લાલવાણીએ કરણ જોહરની એક્શન થ્રિલર કિલથી શાનદાર ડેબ્યૂ કર્યું હતું. આ ફિલ્મમાં તેણે એક નીડર હીરોનું પાત્ર ભજવ્યું હતું, જેમાં તેનું શારીરિક પરાક્રમ અને ભાવનાત્મક ઊંડાણ બંને જોવા મળ્યા હતા. તેમની શક્તિશાળી ફાઇટ સિક્વન્સ અને અભિનયે તેમને બોલિવૂડના ઉભરતા એક્શન સ્ટાર તરીકે સ્થાપિત કર્યા છે. વિવેચકો અને પ્રેક્ષકો બંને તેમના અભિનયના વખાણ કરતાં ક્યારેય થાકતા નથી.
નિતાંશી ગોયલ (Nitanshi Goel) – મિસિંગ લેડીઝ
નિતાંશી ગોયલે મિસિંગ લેડીઝમાં એક યુવાન વહુની ભૂમિકા ભજવી હતી, જે ગ્રામીણ અને પિતૃસત્તાક સમાજમાં ખોવાઈ જાય છે. કિરણ રાવ દ્વારા દિગ્દર્શિત અને આમિર ખાન દ્વારા પ્રસ્તુત આ ફિલ્મમાં નિતાંશીએ નિર્દોષતા અને હિંમતનું સંપૂર્ણ મિશ્રણ દર્શાવ્યું હતું. તેમના સહજ અને પ્રભાવશાળી અભિનયએ દર્શકો અને વિવેચકોના દિલ જીતી લીધા હતા.
ઋષભ શ્વાહને (Rishabh Sawhney)- ફાઇટર
જ્યારે મોટા ભાગના ડેબ્યુટન્ટ્સ હીરોની ભૂમિકા ભજવવાનું પસંદ કરે છે, ત્યારે ઋષભ શ્વહાણેએ ફાઈટરમાં વિલનની ભૂમિકા ભજવીને એક સાહસિક પગલું ભર્યું હતું. રિષભે તેની મજબૂત સ્ક્રીન પ્રેઝેન્સ અને ગંભીર અભિનયથી દર્શકોને ચોંકાવી દીધા હતા. તેમના અભિનયની વિવેચકોએ ખૂબ પ્રશંસા કરી હતી અને તેને નવી પેઢીના કલાકારો માટે એક ઉદાહરણ ગણાવ્યું હતું.
જાનકી બોડીવાલા (Janki Bodiwala)- શૈતાન
ગુજરાતી સિનેમા સ્ટાર જાનકી બોડીવાલાએ શૈતાન ફિલ્મમાં તેના બોલ્ડ અને પાવરફુલ પાત્રથી બોલિવૂડમાં પ્રવેશ કર્યો હતો. આ ક્રાઈમ થ્રિલર ફિલ્મમાં જાનકીએ તેના પાત્રની તાકાત અને ભાવનાત્મક બાજુને ખૂબ જ સારી રીતે રજૂ કરી હતી. તેના અભિનયથી સાબિત થયું કે, પ્રાદેશિક સિનેમાના કલાકારો પણ બોલીવૂડમાં પોતાની છાપ છોડી શકે છે.
