આખરે કેમ ભડક્યા કિમ જોંગ ઉન, પોતાના 30 અધિકારીઓને આપી દીધી ફાંસી

North Korea : ઉત્તર કોરિયાના તાનાશાહ કિમ જોંગ ઉન ફરી સમાચારમાં છે. તેણે પોતાના દેશના 30 વરિષ્ઠ અધિકારીઓને ફાંસી આપી છે. તેમનો દોષ એ હતો કે તેઓ દેશને ભયંકર પૂરથી બચાવી શક્યા નહીં, જેનાથી ઉત્તર કોરિયાના સુપ્રીમ લીડર કિમ જોંગ ઉન નારાજ થયા. આ પૂરે ચાંગંગ પ્રાંતના ઘણા ભાગોમાં તબાહી મચાવી હતી, જેમાં 4000 થી વધુ લોકો માર્યા ગયા હતા. દક્ષિણ કોરિયાના ન્યૂઝના રિપોર્ટ અનુસાર અધિકારીઓએ કહ્યું કે જે લોકોના મોતનું કારણ બને છે તેમને સખત સજા આપવામાં આવશે. સેન્ટ્રલ ન્યૂઝ એજન્સી KCNAના રિપોર્ટ અનુસાર, કિમ જોંગે તે તમામ લોકોને સજા આપવાનું કહ્યું છે જેઓ આ દુર્ઘટનામાં પોતાની જવાબદારી યોગ્ય રીતે નિભાવી શક્યા નથી. ગયા મહિને પણ પાર્ટીના 20-30 અગ્રણી લોકો માર્યા ગયા હતા. ચાંગાંગ પ્રાંતના બરતરફ કરાયેલા પાર્ટી સેક્રેટરી કાંગ બોંગ હૂંને પણ પકડી લેવામાં આવ્યા છે.

ઘણા રાજ્યોમાં ઈમરજન્સી જાહેર કરવામાં આવી

આ વખતે ઉત્તર કોરિયામાં આવેલ પૂર વિનાશક સાબિત થયું. ભારે વરસાદ અને ભૂસ્ખલનને કારણે 4000થી વધુ લોકોના મોત થયા છે. આટલી મોટી દુર્ઘટના બાદ કિમ જોંગે પોતે પૂરગ્રસ્ત વિસ્તારોનું નિરીક્ષણ કર્યું હતું. તેના કેટલાક વીડિયો પણ વાયરલ થયા હતા. જો કે, મીડિયા અહેવાલોમાં દાવો કરવામાં આવ્યો છે કે બાળકો, વૃદ્ધો અને અપંગ સૈનિકો સહિત 15,400 થી વધુ લોકોને પૂરમાંથી બચાવી લેવામાં આવ્યા છે અને સુરક્ષિત સ્થાનો પર રાખવામાં આવ્યા છે. સર્વોચ્ચ નેતાએ કહ્યું કે પૂર પ્રભાવિત વિસ્તારોને સામાન્ય થવામાં 3 મહિના જેટલો સમય લાગશે. ઉત્તર કોરિયાના ઘણા રાજ્યોમાં ઈમરજન્સી જાહેર કરવામાં આવી છે.

આ પણ વાંચો: વિશાખાપટ્ટનમ જઈ રહેલી એર ઈન્ડિયાની ફ્લાઈટમાં ધમકી, 107 મુસાફરો હતા સવાર

અગાઉ એવા અહેવાલો આવ્યા હતા કે પૂરના કારણે મૃત્યુઆંક 1000-1500થી વધુ હોવાની આશંકા છે. જેના પર કિમ જોંગ ઉને વાંધો ઉઠાવ્યો હતો. પરંતુ બાદમાં જ્યારે તેમણે પોતે નિરીક્ષણ કર્યું તો વાસ્તવિક આંકડાઓ સામે આવ્યા. ત્યારે કિમ જોંગે આવા સમાચારોને પોતાની બદનામી સમાન ગણાવ્યા હતા.