ગેંગસ્ટર લોરેન્સ બિશ્નોઈના ટોપ 5 ટાર્ગેટ કોણ?, સલમાન ખાનનું નામ લિસ્ટના ટોપમાં

Lawrence Bishnoi Top 5 Targets: મહારાષ્ટ્રના મુંબઈમાં NCP નેતા બાબા સિદ્દીકીની હત્યા બાદ ગેંગસ્ટર લોરેન્સ બિશ્નોઈ ચર્ચામાં આવી ગયો છે. જો કે લોરેન્સ ગુજરાતની સાબરમતી જેલમાં બંધ છે, પરંતુ તેના ઇશારે ગુનેગારો સતત ક્રાઇમને અંજામ આપી રહ્યા છે. નેશનલ ઈન્વેસ્ટિગેશન એજન્સી (NIA) ઘણા મામલામાં લોરેન્સ બિશ્નોઈ પર તેની પકડ મજબૂત કરી રહી છે. તાજેતરમાં જ NIAની પૂછપરછ દરમિયાન લોરેન્સે પોતાના 5 ટાર્ગેટ વિશે ખુલાસો કર્યો હતો. આમાં બોલિવૂડ એક્ટર સલમાન ખાનનું નામ નંબર વન હતું.

ટાર્ગેટ નં.1: સલમાન ખાન
લોરેન્સ બિશ્નોઈએ NIA સમક્ષ કબૂલાત કરી હતી કે તે સલમાન ખાનને મારવા માંગતો હતો. તેની પાછળનું કારણ પણ જણાવ્યું. લોરેન્સે કહ્યું કે તે કાળા હરણના શિકાર મુદ્દે સલમાનથી નારાજ છે. લોરેન્સે પણ NIA સહિતની તમામ એજન્સીઓની સામે જે કહ્યું તે કર્યું. સલમાન પર હુમલો કરવા માટે બે વખત રેકી કરવામાં આવી હતી અને ત્રીજી વખત ઘર પર ફાયરિંગ કરાવ્યું.

લોરેન્સ બિશ્નોઈના જણાવ્યા અનુસાર, 1998માં સલમાન ખાને જોધપુરમાં એક ફિલ્મના શૂટિંગ દરમિયાન કાળા હરણનો શિકાર કર્યો હતો. બિશ્નોઈ સમુદાય કાળા હરણની પૂજા કરે છે અને તેથી જ તે સલમાન ખાનને મારવા માંગે છે. આ માટે લોરેન્સે તેના સૌથી નજીકના મિત્ર સંપત નેહરાને પણ સલમાનની રેકી માટે મુંબઈ મોકલ્યો હતો. પરંતુ હરિયાણા STF દ્વારા સંપતની ધરપકડ કરવામાં આવી હતી. મહારાષ્ટ્રના કેટલાક ગેંગસ્ટરોએ બિશ્નોઈ સમક્ષ ખુલાસો કર્યો હતો કે તેઓ સલમાન ખાનને ધમકીભર્યો પત્ર મોકલવાના હતા અને સલમાનને પણ ધમકીભર્યો પત્ર મોકલ્યો પણ હતો.

ટાર્ગેટ નં.2: સગુનપ્રીત સિંહ
લોરેન્સના નિશાને પંજાબી સિંગર સિધુ મૂસાવાલાના મેનેજર સગુનપ્રીત પણ છે. સગુને લોરેન્સ બિશ્નોઈના નજીકના વિકી મિદુખેડાના શૂટર્સને આશ્રય આપ્યો હતો. મિદુખેડાની મોહાલીમાં હત્યા કરવામાં આવી હતી. લોરેન્સ ગેંગ વિદ્યાર્થી રાજકારણના સમયથી વિકી મિદુખેડાને પોતાનો ભાઈ માનતી હતી. વર્ષ 2021માં તેની હત્યા કરવામાં આવી હતી.

ટાર્ગેટ નં.3: ગેંગસ્ટર મનદીપ ધાલીવાલ
ગેંગસ્ટર મનદીપ ધાલીવાલ લોરેન્સની હિટ લિસ્ટમાં ત્રીજા સ્થાને છે. ધાલીવાલ બંબીહા ગેંગના લીડર લકી પટિયાલની ખૂબ નજીક માનવામાં આવે છે. લોરેન્સ બિશ્નોઈએ NIAને કહ્યું હતું કે તે મનદીપને મારવા માંગતો હતો કારણ કે તેણે વિકી મિદુખેડાના હત્યારાઓને આશ્રય આપવામાં પણ મદદ કરી હતી. તેણે પોતાની ગેંગનું નામ ‘ઠગ લાઈફ’ રાખ્યું છે. મનદીપ લકી પટિયાલનો ધંધો સંભાળે છે.

ટાર્ગેટ નંબર 4: ગેંગસ્ટર કૌશલ ચૌધરી
કૌશલ ચૌધરી હાલ ગુરુગ્રામની જેલમાં બંધ છે. તે લોરેન્સ બિશ્નોઈ અને તેની ગેંગનો કટ્ટર દુશ્મન છે. બિશ્નોઈ કોઈપણ ભોગે તેને મારી નાખવા માંગે છે. લોરેન્સની કબૂલાત મુજબ, કૌશલ ચૌધરીએ વિકી મિદુખેડા, ભોલુ શૂટર, અનિલ લથ અને સની લેફ્ટીના હત્યારાઓને જ હથિયારો પૂરા પાડ્યા હતા. કૌશલ ચૌધરી ખૂબ જ કુખ્યાત ગેંગસ્ટર માનવામાં આવે છે.

ટાર્ગેટ નં.5: અમિત ડાગર
અમિત ડાગર બંબીહા ગેંગનો હેડ છે. આ લોરેન્સ બિશ્નોઈની વિરોધી ગેંગ છે. તેણે જ વિકી મિદુખેડાની હત્યાનો પ્લાન બનાવ્યો હતો. લોરેન્સે NIAને કહ્યું હતું કે લકી પટિયાલ મારી દુશ્મન ગેંગ છે. લકીની સૂચના પર જ મારા નજીકના મિત્ર અને ગોલ્ડીના ભાઈ ગુરલાલ બ્રારની હત્યા કરવામાં આવી હતી. બંબીહા ગેંગે જ વિકી મિદુખેડાના શૂટર્સ અને રેકી કરનાર લોકોને છુપાવામાં મદદ કરી હતી.