PM મોદીએ USના વાઇસ પ્રેસિડેન્ટ વેન્સના બાળકોને એવું ગિફ્ટ આપ્યું કે તેમના ચહેરા ચમકી ગયા
US President: નવી દિલ્હીના 7 લોક કલ્યાણ માર્ગ પર એક રસપ્રદ દ્રશ્ય જોવા મળ્યું જ્યારે વડાપ્રધાન નરેન્દ્ર મોદીએ યુએસ વાઇસ પ્રેસિડેન્ટ જેડી વેન્સ, તેમની પત્ની ઉષા વેન્સ અને તેમના ત્રણ બાળકો -ઇવાન, વિવેક અને મીરાબેલનું ઉષ્માભર્યું સ્વાગત કર્યું. આ મુલાકાતમાં સૌથી ખાસ ક્ષણ એ હતી જ્યારે પીએમ મોદીએ પોતાના હાથે બાળકોને મોર પીંછ ભેટમાં આપ્યા.
PM Modi welcomes US Vice President JD Vance and family at his official residence
Read @ANI Story |https://t.co/Dp0TuDZmFi#PMModi #JDVance #Visit pic.twitter.com/Bi425bJS3H
— ANI Digital (@ani_digital) April 21, 2025
અમેરિકાના ઉપરાષ્ટ્રપતિની ભારત મુલાકાત ખૂબ જ સારી રીતે શરૂ થઈ. વેન્સ પરિવાર પીએમ નિવાસસ્થાને પહોંચતાની સાથે જ પીએમ મોદીએ જેડી વેન્સને ગળે લગાવ્યા અને તેમની પત્ની ઉષા સાથે વાતચીત કરી. વીડિયોમાં, મોદી બાળકો સાથે હસતા અને રમતા જોવા મળ્યા હતા અને તેમણે ઇવાન અને વિવેકને પોતાના ખોળામાં બેસાડ્યા હતા. બાદમાં, તેમણે ત્રણેય બાળકોને એક સુંદર મોર પીંછું ભેટમાં આપ્યું, જેને ભારતીય સંસ્કૃતિમાં સૌભાગ્ય અને શાંતિનું પ્રતીક માનવામાં આવે છે.
US Vice President JD Vance tweets, "It was an honor to see Prime Minister Modi this evening. He’s a great leader and he was incredibly kind to my family. I look forward to working under President Trump’s leadership to strengthen our friendship and cooperation with the people of… pic.twitter.com/fWBPNUPLcb
— ANI (@ANI) April 21, 2025
આ સુંદર ભેટોએ બાળકોના ચહેરા પર સ્મિત લાવી દીધું. આ એ જ બાળકો છે જે થોડા કલાકો પહેલા પરંપરાગત ભારતીય વસ્ત્રો પહેરીને અક્ષરધામ મંદિરના દર્શન કરવા પહોંચ્યા હતા. ઇવાન અને વિવેકે કુર્તા પાયજામા પહેર્યો હતો અને મીરાબેલ અનારકલી સૂટમાં ખૂબ જ સુંદર લાગી રહી હતી. મુલાકાત બાદ, વેન્સે સોશિયલ મીડિયા પ્લેટફોર્મ X પર લખ્યું, “ભારતે અમને જે સ્નેહ અને ઉષ્માથી સ્વીકાર્યા છે તેના માટે અમે આભારી છીએ. બાળકોને ખાસ કરીને મંદિરની ભવ્યતા ખૂબ ગમતી હતી.
#WATCH | PM Modi holds bilateral meeting with US Vice President JD Vance in Delhi pic.twitter.com/s9aI1WmuGm
— ANI (@ANI) April 21, 2025
પીએમ મોદી અને વેન્સે બાદમાં દ્વિપક્ષીય વાટાઘાટો કરી, જે દરમિયાન બંને દેશો વચ્ચે વ્યૂહાત્મક ભાગીદારીને વધુ મજબૂત બનાવવા અંગે ચર્ચા કરવામાં આવી. આ પછી, પીએમ મોદીએ વેન્સ પરિવાર માટે રાત્રિભોજનનું પણ આયોજન કર્યું. આ દરમિયાન વિદેશ મંત્રાલયના પ્રવક્તા રણધીર જયસ્વાલે કહ્યું કે આ મુલાકાત ભારત-અમેરિકા સંબંધોને નવી ઊંચાઈઓ પર લઈ જવાનું સાબિત થશે.
