‘કોહલી અહંકારી છે’, ઇંગ્લેન્ડની T-20 ટેસ્ટ સિરીઝ પહેલા કોણે વિરાટ માટે કહ્યું આવું?

અફઘાનિસ્તાન ટી-20 સિરીઝ બાદ હવે ભારત ઘરઆંગણે ઈંગ્લેન્ડ સામે ટકરાશે. બંને દેશો વચ્ચે 25 જાન્યુઆરીથી 5 મેચની રોમાંચક ટેસ્ટ સિરીઝ શરૂ થવા જઈ રહી છે. આ સિરીઝ માટે ચાહકોનો ઉત્સાહ ચરમસીમા પર છે. ભારત છેલ્લે 2012માં ઈંગ્લેન્ડ દ્વારા ઘરઆંગણે ટેસ્ટ સિરીઝમાં હાર્યું હતું. અંગ્રેજોએ તે સિરીઝ 2-1 થી જીતી હતી. જો કે ત્યારપછી ભારત ઘરઆંગણે એક પણ ટેસ્ટ સિરીઝ હારી નથી. જો કે, ટેસ્ટ સીરીઝની શરૂઆત પહેલા ઈંગ્લેન્ડના ફાસ્ટ બોલર ઓલી રોબિન્સને ભારતના સુપરસ્ટાર બેટ્સમેન વિરાટ કોહલીને લઈને મોટું નિવેદન આપ્યું છે.

તેને અહંકાર છે – ઓલી રોબિન્સન

બેટિંગ ઉપરાંત ભારતીય ક્રિકેટ ટીમના સ્ટાર બેટ્સમેન વિરાટ કોહલી તેની આક્રમકતા માટે પણ જાણીતો છે. જ્યારે તે મેદાન પર હોય છે ત્યારે તેનામાં એક અલગ જ એનર્જી જોવા મળે છે. હવે ઈંગ્લેન્ડના ફાસ્ટ બોલર ઓલી રોબિન્સને વિરાટ કોહલીને લઈને મોટું નિવેદન આપ્યું છે. તેણે કહ્યું છે કે વિરાટ કોહલીમાં અહંકાર છે. રોબિન્સને કહ્યું, ‘તમે હંમેશા શ્રેષ્ઠ ખેલાડીઓ સામે રમવા માંગો છો. તો તમે હંમેશા શ્રેષ્ઠ ખેલાડીને બહાર કાઢવા માંગો છો. કોહલી તેમાંથી એક છે. તેને મોટો અહંકાર છે. ખાસ કરીને ભારતમાં જ્યાં વિરાટ કોહલી રન બનાવવાની સાથે સાથે વર્ચસ્વ પણ મેળવવા માંગે છે. એ જાણીને કે આપણા ભૂતકાળમાં કેટલીક લડાઈઓ થઈ છે. આ એક્સાઈટિંગ છે.

આ પણ જુઓ : રોનાલ્ડોને નથી ખબર કે કોણ છે વિરાટ કોહલી ? જવાબ જાણીને તમે પણ ચોંકી જશો

પ્રથમ બે ટેસ્ટ માટે ભારતીય ટીમ

રોહિત શર્મા (કેપ્ટન), યશસ્વી જયસ્વાલ, કેએલ રાહુલ, વિરાટ કોહલી, શુભમન ગિલ, શ્રેયસ ઐયર, અક્ષર પટેલ, રવિચંદ્રન અશ્વિન, રવિન્દ્ર જાડેજા, ધ્રુવ જુરેલ, કેએસ ભરત, અવેશ ખાન, જસપ્રિત બુમરાહ, કુલદીપ યાદવ, મોહમ્મદ સિરાજ અને મુકેશ કુમાર .

ઈંગ્લેન્ડની ટીમ

બેન ડકેટ, હેરી બ્રુક, જો રૂટ, ઓલી પોપ, ઝેક ક્રોલી, બેન સ્ટોક્સ (સી), રેહાન અહેમદ, બેન ફોક્સ, જોની બેરસ્ટો, ગુસ એટકિન્સન, જેક લીચ, જેમ્સ એન્ડરસન, માર્ક વુડ, ઓલી રોબિન્સન, શોએબ બશીર, ટોમ હાર્ટલી .

ઉલ્લેખનીય છે કે બ્રાઝિલનો દિગ્ગજ ફૂટબોલર રોનાલ્ડો વિરાટ કોહલીને ઓળખતો નથી. યુટ્યુબર સ્પીડની રોનાલ્ડો સાથેની વાતચીત દરમિયાન આ વાત સામે આવી હતી. અહીં જ્યારે સ્પીડે રોનાલ્ડોને વિરાટ કોહલી વિશે પૂછ્યું તો તેણે કહ્યું કે તેને આ નામ વિશે ખબર નથી. જોકે, જ્યારે સ્પીડે વિરાટ કોહલીની તસવીર દેખાડી ત્યારે રોનાલ્ડોએ કિંગ કોહલીને ઓળખી લીધો. આ દરમિયાન મજેદાર સવાલ-જવાબનું સેશન પણ થયું.