‘હું હારી ગઈ, મા કુશ્તી જીતી ગઈ’, વિનેશ ફોગાટે કુસ્તીમાંથી લીધી નિવૃતિ
Vinesh Phogat : ભારતીય મહિલા રેસલર વિનેશ ફોગાટે કુસ્તીમાંથી નિવૃત્તિ લીધી છે. વિનેશ ફોગટે આ નિર્ણય પેરિસ ઓલિમ્પિકમાં પોતાની ગેરલાયકાત બાદ લીધો હતો. વિનેશ ફોગાટે એક્સ હેન્ડલ દ્વારા નિવૃત્તિ વિશે માહિતી આપતા કહ્યું કે તે દેશવાસીઓની ઋણી રહેશે. ગુડબાય કુસ્તી.
વિનેશ ફોગાટની નિવૃત્તિ, માતાની માફી માંગી
વિનેશ ફોગાટે કુશ્તીને અલવિદા કહીને X પર પોતાની માતાની માફી પણ માંગી છે. તેણે લખ્યું કે મા કુશ્તી જીતી હઈ હું હારી ગઈ. માફ કરશો. તારું સપનું, મારી હિંમત બધું તૂટી ગયું. મારી પાસે આનાથી વધુ તાકાત નથી.
પેરિસ ઓલિમ્પિકમાં જે બન્યું તેનાથી વિનેશ ફોગાટ દુખી
વિનેશ ફોગાટના ટ્વીટથી સ્પષ્ટ થાય છે કે પેરિસ ઓલિમ્પિકમાં તેની સાથે જે થયું તેનાથી તે ખૂબ જ દુઃખી છે. તેના પરિણામે તેણે નિવૃત્તિની જાહેરાત કરી. વિનેશે પેરિસ ઓલિમ્પિકમાં શાનદાર કુસ્તીનું પ્રદર્શન કરીને મહિલાઓની 50 કિગ્રા વર્ગની ફાઇનલમાં પોતાનું સ્થાન નિશ્ચિત કર્યું હતું. તે ઓલિમ્પિક ફાઇનલમાં રમનારી પ્રથમ ભારતીય મહિલા કુસ્તીબાજ બની હતી. પરંતુ, ફાઈનલના થોડા કલાકો પહેલા તેણી પર વધુ વજન હોવાનો આરોપ મૂકવામાં આવ્યો હતો અને તેને ગેરલાયક ઠેરવવામાં આવી હતી.
माँ कुश्ती मेरे से जीत गई मैं हार गई माफ़ करना आपका सपना मेरी हिम्मत सब टूट चुके इससे ज़्यादा ताक़त नहीं रही अब।
अलविदा कुश्ती 2001-2024 🙏
आप सबकी हमेशा ऋणी रहूँगी माफी 🙏🙏
— Vinesh Phogat (@Phogat_Vinesh) August 7, 2024
રિયોથી પેરિસ સુધી… તમારું સ્વપ્ન સાકાર ન થઈ શક્યું!
એક દાયકા કરતાં વધુ સમયથી આંતરરાષ્ટ્રીય કુસ્તી મેટ પર સક્રિય રહેલી વિનેશ ફોગાટે ઓલિમ્પિકમાં મેડલ જીતવાનું સપનું જોયું હતું. તેની માતાનું પણ આ સપનું હતું. પરંતુ સતત ત્રીજી ઓલિમ્પિકમાં ભાગ લીધા બાદ પણ વિનેશ આવું કરી શકી ન હતી.
વિનેશે રિયો 2016માં ઓલિમ્પિક ડેબ્યૂ કર્યું હતું, જ્યાં તેને ઈજાના કારણે બહાર થવું પડ્યું હતું. જે બાદ ટોક્યો ઓલિમ્પિકમાં વિનેશ ફોગાટની સફર ક્વાર્ટર ફાઈનલમાં પૂરી થઈ ગઈ હતી. જ્યારે તે પેરિસ ઓલિમ્પિકમાં નવો ઈતિહાસ લખવાથી માત્ર એક ડગલું દૂર હતી ત્યારે તેને ગેરલાયક ઠેરવવાના નિર્ણયે માત્ર તેના જ નહીં પરંતુ સમગ્ર ભારતનું દિલ તોડી નાખ્યું હતું.
