ગેરકાયદેસર કબજો ખાલી કરો! કાશ્મીર પર પાકિસ્તાની સેના પ્રમુખના નિવેદન પર ભારતનો વળતો જવાબ
India On Pak Army chief Remarks: પાકિસ્તાનના આર્મી ચીફ જનરલ અસીમ મુનીરે તાજેતરના એક નિવેદનમાં કહ્યું હતું કે “કાશ્મીર ઇસ્લામાબાદની ગળાની નસ છે”. ભારતે આ અંગે કડક પ્રતિક્રિયા આપી છે. ભારતીય વિદેશ મંત્રાલયના પ્રવક્તા રણધીર જયસ્વાલે પાકિસ્તાનના દાવાને સંપૂર્ણપણે નકારી કાઢ્યો અને કહ્યું કે “કાશ્મીર ભારતનો અભિન્ન ભાગ છે અને પાકિસ્તાનને તેની સાથે કોઈ લેવાદેવા નથી.”
#WATCH | On the comments by Pakistan Army chief terming Kashmir as a jugular vein, MEA Spokesperson Randhir Jaiswal says, "How can anything foreign be in a jugular vein? This is a union territory of India. Its only relationship with Pakistan is the vacation of illegally occupied… pic.twitter.com/zV9S0OnXhQ
— ANI (@ANI) April 17, 2025
વિદેશ મંત્રાલયે કહ્યું, “કાશ્મીર પ્રત્યે પાકિસ્તાનની એકમાત્ર ચિંતા ગેરકાયદેસર રીતે કબજા હેઠળના પ્રદેશને ખાલી કરાવવાની છે.” તેમણે એમ પણ પૂછ્યું કે “કોઈ વિદેશી વસ્તુ ગળાની નસમાં કેવી રીતે હોઈ શકે?” હકીકતમાં, આ નિવેદન પાકિસ્તાનના લાંબા સમયથી ચાલતા વલણ પર સીધો હુમલો છે જેમાં તે કાશ્મીરને પોતાનો ભાગ હોવાનો દાવો કરી રહ્યું છે.
Ugh! I thought General Musharraf was the worst, but this COAS takes the cake. The whole bakery. General Asim Munir. pic.twitter.com/t8eVYukQqG
— Smita Prakash (@smitaprakash) April 16, 2025
કાશ્મીર પર ભારતનું વલણ
ભારતની કાશ્મીર નીતિ હંમેશા સ્પષ્ટ રહી છે. આ ભારતનો કેન્દ્રશાસિત પ્રદેશ છે અને તેમાં બાહ્ય હસ્તક્ષેપનો કોઈ અવકાશ નથી. ભારતનું આ નિવેદન માત્ર રાજદ્વારી દૃષ્ટિકોણથી જ મહત્વપૂર્ણ નથી, પરંતુ તે આંતરરાષ્ટ્રીય સ્તરે એક સંદેશ પણ આપે છે કે ભારત કાશ્મીર અંગે કોઈપણ પ્રકારની નિવેદનબાજી કે દખલગીરી સહન કરશે નહીં.
જનરલ અસીમ મુનીરનું નિવેદન એક વીડિયો સંદેશ પછી આવ્યું છે, જેમાં તેમણે પાકિસ્તાની યુવાનોને દેશની ‘કહાની’ યાદ અપાવવાની વાત કરી હતી. તેમણે કહ્યું, “આપણા પૂર્વજો માનતા હતા કે આપણે હિન્દુઓથી અલગ છીએ, આપણા વિચારો, ધર્મ અને પરંપરાઓ અલગ છે. આ બે રાષ્ટ્ર સિદ્ધાંતનો પાયો છે.” તેમણે વધુમાં કહ્યું કે પાકિસ્તાનની દરેક પેઢીએ દેશની રક્ષા માટે બલિદાન આપ્યું છે અને આવનારી પેઢીઓએ પણ પાકિસ્તાનની વાસ્તવિકતા સમજવી જોઈએ. તેમના ભાષણનો મુખ્ય ઉદ્દેશ્ય પાકિસ્તાનમાં રાષ્ટ્રવાદી ભાવના જગાડવાનો હતો, પરંતુ તેમના કાશ્મીર નિવેદનથી ભારતમાં ગુસ્સો ભડકી ઉઠ્યો.
બલુચિસ્તાન અને આતંકવાદ પર પાકિસ્તાની સેના પ્રમુખનું નિવેદન
જનરલ મુનીરે પણ બલૂચિસ્તાનની સ્થિતિ અંગે કડક વલણ અપનાવ્યું હતું અને કહ્યું હતું કે “આતંકવાદીઓની દસ પેઢીઓ પણ બલુચિસ્તાન અને પાકિસ્તાનને નુકસાન પહોંચાડી શકે નહીં. તેમણે દાવો કર્યો કે પાકિસ્તાની સેના આતંકવાદ સામે લડવા માટે સંપૂર્ણપણે તૈયાર છે અને દેશની એકતા માટે કોઈ ખતરો નથી.
