USના ન્યૂ ઓર્લિયન્સમાં આતંકવાદી હુમલો, પીકઅપ ટ્રકથી લોકોને કચડી નાખ્યા; 12 લોકોના મોત

America New Orleans News: અમેરિકાના ન્યૂ ઓર્લિયન્સમાં નવા વર્ષની ઉજવણી દરમિયાન એક મોટી ઘટના બની છે. ડ્રાઇવરે તેની પીકઅપ ટ્રક લોકોની ભીડ પર ચઢાવી અને પછી લોકો પર ગોળીબાર કર્યો, જેમાં 12 લોકોના મોત થયા અને 30 લોકો ગંભીર રીતે ઘાયલ થયા. માહિતી અનુસાર, જવાબી કાર્યવાહીમાં પોલીસે પણ ડ્રાઈવર પર ગોળીબાર કર્યો હતો. એપીના અહેવાલ મુજબ, ન્યૂ ઓર્લિયન્સના મેયરે કહ્યું કે નવા વર્ષના દિવસે મૃત્યુ એ ‘આતંકવાદી હુમલો’ છે.

આ ઘટના અમેરિકી શહેર ન્યૂ ઓર્લિયન્સમાં કેનાલ અને બોર્બોન સ્ટ્રીટના રસ્તા પર બની છે, જ્યાં બુધવારે લોકો નવા વર્ષની ઉજવણી કરી રહ્યા હતા. આ દરમિયાન અચાનક એક ઝડપી ટ્રક આવી જે ઉજવણી કરી રહેલા ટોળાને ટક્કર મારી હતી અને આગળ નીકળી ગઇ. જેના કારણે સમગ્ર વિસ્તારમાં ગભરાટ ફેલાઈ ગયો હતો અને લોકો ડરના માર્યા ભાગવા લાગ્યા હતા.

BREAKING: Multiple people dead after a car plowed into a group of people on Bourbon Street in New Orleans pic.twitter.com/m37plAgeNv

— Insider Paper (@TheInsiderPaper) January 1, 2025

કારમાંથી બહાર નીકળ્યા બાદ ડ્રાઈવરે પણ ગોળીબાર કર્યો હતો
આ પછી ડ્રાઈવર ટ્રકમાંથી બહાર નીકળી ગયો અને લોકો પર ગોળીબાર કરવા લાગ્યો. આના પર પોલીસે જવાબી કાર્યવાહી કરી અને ડ્રાઈવર પર ગોળીબાર કર્યો. આ અકસ્માતમાં 12 લોકોએ જીવ ગુમાવ્યા હતા. આ ઘટનામાં ઘાયલ 30 લોકોને હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે.

નવા વર્ષની ઉજવણી માતમમાં ફેરવાઈ ગઈ
મીડિયા રિપોર્ટ્સ અનુસાર, પોલીસે બોર્બોન સ્ટ્રીટ બંધ કરી દીધી છે અને ઈમરજન્સી કર્મચારીઓ ઘટના સ્થળે પહોંચી ગયા છે. લોકોને ઘટના સ્થળથી દૂર રહેવાની સલાહ આપવામાં આવી છે. હાલ પોલીસ આ મામલે તપાસ કરી રહી છે. આ અંગે ઘટનાસ્થળે હાજર પ્રત્યક્ષદર્શીઓનું કહેવું છે કે પોલીસે ડ્રાઈવર પર પણ ગોળીબાર કર્યો હતો. આ ઘટના બાદ નવા વર્ષની ઉજવણીનો માહોલ શોકમાં ફેરવાઈ ગયો છે.