રશિયાની 38 માળની ઈમારત સાથે ટકરાયું યુક્રેનનું ડ્રોન, 9/11 ના હુમલા જેવું ભયાનક દ્રશ્ય
Ukraine Russia War: યુક્રેને રશિયાની સૌથી ઊંચી ઈમારત વોલ્ગા સ્કાય પર હુમલો કર્યો છે. આ હુમલો રશિયાના સારાટોવ શહેરમાં થયો હતો. જેનો વીડિયો ઝડપથી વાયરલ થઈ રહ્યો છે. આ હુમલો ડ્રોન દ્વારા કરવામાં આવ્યો હતો. જેની અસરથી બિલ્ડિંગમાં ભારે આગ લાગી હતી. રશિયાના સારાટોવ શહેરમાં આવેલી આ ઈમારતમાં 38 માળ છે અને તે દેશની સૌથી ઊંચી ઈમારત છે. જેમાં અનેક કંપનીઓની ઓફિસો આવેલી છે. વીડિયોમાં જોવા મળે છે કે યુક્રેનિયન ડ્રોન ઝડપથી ઉડે છે અને પછી બિલ્ડિંગ સાથે અથડાય છે. ત્યારબાદ આગની જ્વાળાઓ જોવા મળી રહી છે.
રશિયાની 38 માળની ઈમારતને ટકરાયું યુક્રેનનું ડ્રોન, 9/11 ના હુમલા જેવું ભયાનક દ્રશ્ય#Russia #Ukraine #UkraineRussiaWar #RussiaUkraine #UkraineRussiaConflict #DroneVideo #NewsCapitalGujarat #JaneCheGujarat #Saratov
Video Courtesy: MASH Media pic.twitter.com/ECTeuH17X5— NewsCapital Gujarat (@NewsCapitalGJ) August 26, 2024
આ ઘટનામાં બે લોકો ઘાયલ થયા છે. પરંતુ યુક્રેન જે રીતે રશિયાની સૌથી ઊંચી ઈમારત પર હુમલો કરવામાં સફળ રહ્યું છે તે રશિયા માટે આઘાતજનક છે. ડ્રોનની ટક્કર બાદ મોટી માત્રામાં ઇમારતનો કાટમાળ પણ નીચે પડતો જોવા મળી રહ્યો છે. આ હુમલામાં આ રશિયન ઈમારતના એક ભાગને નુકસાન થયું છે. પ્રાદેશિક ગવર્નર રોમન બસુર્ગીને પણ આ ઘટનાની પુષ્ટિ કરી છે. તેમણે ટેલિગ્રામ પર આ વિશે જણાવ્યું અને કહ્યું કે હુમલામાં ઘાયલ એક મહિલાની હાલત નાજુક છે. ડોક્ટરો તેને બચાવવાનો પ્રયાસ કરી રહ્યા છે. આ હુમલામાં તેમના સિવાય અન્ય એક વ્યક્તિ પણ ઘાયલ થયો છે.
આ પણ વાંચો: પાકિસ્તાનમાં બંદૂકધારીઓએ 23 લોકોને બસમાંથી ઉતારી હત્યા કરી નાખી
તમને જણાવી દઈએ કે રશિયા અને યુક્રેન વચ્ચે છેલ્લા બે વર્ષથી વધુ સમયથી સંઘર્ષ ચાલી રહ્યો છે. અત્યાર સુધી આ લાંબા વિવાદમાં રશિયાની આગેવાની હતી. પરંતુ હાલમાં જ યુક્રેનની સેનાએ રશિયાના કુર્સ્ક વિસ્તારમાં હુમલો કર્યો હતો અને કેટલાય કિલોમીટર સુધી ઘૂસણખોરી કરી હતી. આ પછી રશિયાએ પણ યુક્રેન પર હુમલા તેજ કર્યા છે. આ રીતે છેલ્લા કેટલાક દિવસોમાં બંને દેશો વચ્ચે ચાલી રહેલ યુદ્ધ વધુ ઉગ્ર બન્યું છે.
