નવી કાર પર 4.10 લાખ રૂપિયા બચાવવાનો આજે છેલ્લો દિવસ! આ રીતે તમે મેળવી શકો છો શ્રેષ્ઠ સોદો
Car Discounts in July: કાર કંપનીઓ સારા વેચાણ પરિણામોની જાણ કરતી હોવા છતાં તાજેતરમાં એવા અહેવાલો આવ્યા હતા જેમાં હજારો વાહનો સ્ટોકમાં પડ્યા છે. આ સ્ટૉકને ક્લિયર કરવા માટે કાર કંપનીઓ ખૂબ જ સારું ડિસ્કાઉન્ટ આપી રહી છે. જો તમે આજે નવી કાર ખરીદવા જઈ રહ્યા છો તો તમને 4.10 લાખ રૂપિયા સુધીની બચતનો લાભ મળી શકે છે. અહીં અમે તમને મારુતિ સુઝુકી, એમજી, ટાટા મોટર્સ અને હ્યુન્ડાઈ મોટર ઈન્ડિયાની કાર પર ઉપલબ્ધ ડિસ્કાઉન્ટ વિશે માહિતી આપી રહ્યા છીએ.
Hyundaiની આ બે કાર પર 85,000 રૂપિયાનું ડિસ્કાઉન્ટ
Hyundai Verna પર આ મહિને રૂ. 35,000નું ડિસ્કાઉન્ટ આપવામાં આવી રહ્યું છે જેમાં રૂ. 15,000 કેશ બેનિફિટ અને રૂ. 20,000ની એક્સચેન્જ ઓફરનો સમાવેશ થાય છે. આ સિવાય Alcazar પર મહત્તમ 85,000 રૂપિયાનું ડિસ્કાઉન્ટ આપવામાં આવી રહ્યું છે. જેમાં 55,000 રૂપિયાનો કેશ બેનિફિટ અને 30,000 રૂપિયાની એક્સચેન્જ ઑફરનો સમાવેશ થાય છે. આ ડિસ્કાઉન્ટ વિશે વધુ માહિતી માટે Hyundai ડીલરશીપનો સંપર્ક કરો. આ ઑફર્સ માત્ર 31મી જુલાઈ સુધી અથવા સ્ટોક ચાલે ત્યાં સુધી માન્ય છે.
આ પણ વાંચો: શું ITR ફાઇલ કરવાની તારીખ 31 ઓગસ્ટ સુધી લંબાવવામાં આવી છે? જાણો આ દાવાઓનું સત્ય
Gloster પર 4.10 લાખ રૂપિયાનું ડિસ્કાઉન્ટ
MG મોટરની સૌથી મોંઘી ફુલ સાઇઝ SUV Gloster પર 4.10 લાખ રૂપિયાનું ડિસ્કાઉન્ટ મળી રહ્યું છે. પરંતુ આ ઓફર તેના 2023 મોડલ પર આપવામાં આવી રહી છે. કારણ કે હજુ સ્ટોક ક્લિયર થયો નથી. જ્યારે 2024 મોડલ પર 3.35 લાખ રૂપિયા સુધીનું ડિસ્કાઉન્ટ આપવામાં આવી રહ્યું છે. આ સમગ્ર ડિસ્કાઉન્ટમાં એક્સચેન્જ, લોયલ્ટી બોનસ અને કોર્પોરેટ ડિસ્કાઉન્ટનો સમાવેશ થાય છે. આ ડિસ્કાઉન્ટ 31મી જુલાઈ પહેલા જ મેળવી શકાશે. ઑફર પર વધુ વિગતો માટે ડીલરશિપનો સંપર્ક કરો.
Maruti Jimny પર 3.30 લાખ રૂપિયાનું ડિસ્કાઉન્ટ
મારુતિ સુઝુકીની Jimny પર હાલમાં 3.30 લાખ રૂપિયાનું ડિસ્કાઉન્ટ મળી રહ્યું છે. Maruti Jimnyની કિંમત 12.74 લાખ રૂપિયાથી 14.95 લાખ રૂપિયા સુધીની છે. જિમ્ની ઝેટા હવે MSSF સ્કીમ સાથે રૂ. 2.75 લાખ સુધીના લાભો મેળવી શકો છે. જીમ્નીના ટોપ વેરિઅન્ટ Alpha પર 1.80 રૂપિયાનું ડિસ્કાઉન્ટ આપવામાં આવી રહ્યું છે. આ ઉપરાંત મારુતિ સુઝુકી સ્માર્ટ ફાઇનાન્સ (MSSF) પસંદ કરનારા ખરીદદારો માટે 1.50 લાખ રૂપિયાનું વધારાનું ડિસ્કાઉન્ટ છે.
TATAની કાર પર 60,000નું ડિસ્કાઉન્ટ
આ મહિને Tata Motorsના Nexon પર 60,000 રૂપિયાનું ડિસ્કાઉન્ટ મળી રહ્યું છે. આ ડિસ્કાઉન્ટમાં એક્સચેન્જ બોનસ અને કોર્પોરેટ ડિસ્કાઉન્ટ પણ સામેલ છે. આ સિવાય Tata Tigor પર આ મહિને 55,000 રૂપિયા સુધીનું ડિસ્કાઉન્ટ આપવામાં આવી રહ્યું છે. Tigor CNG પર 25,000 રૂપિયાનું ડિસ્કાઉન્ટ ઉપલબ્ધ છે. જ્યારે Tata Harrier પર 38,000 રૂપિયા સુધીનું ડિસ્કાઉન્ટ મળી રહ્યું છે. આ સિવાય હેચબેક કાર Altroz પર 25,000 રૂપિયા સુધીનું ડિસ્કાઉન્ટ આપવામાં આવી રહ્યું છે.
