Tahawwur Ranaના પ્રત્યાર્પણમાં આ 3 NIA અધિકારીઓએ ભજવી મહત્વપૂર્ણ ભૂમિકા
Tahawwur Rana: 26/11 મુંબઈ હુમલાના આરોપી તહવ્વુર રાણાના પ્રત્યાર્પણ માટે અમેરિકામાં રાષ્ટ્રીય તપાસ એજન્સી (NIA)ની એક ખાસ ટીમે મહત્વપૂર્ણ જવાબદારી ભજવી હતી. આ ટીમના પ્રયાસો બાદ અમેરિકન કોર્ટે રાણાના પ્રત્યાર્પણનો આદેશ આપ્યો હતો, જેના હેઠળ હવે તેને ભારત લાવવામાં આવી રહ્યો છે. ટીમના અધિકારીઓએ માત્ર અમેરિકામાં કેસ ચલાવ્યો જ નહીં, પરંતુ ભારતમાં પૂછપરછ માટે તેમની સુરક્ષા અને તૈયારીઓ પણ સુનિશ્ચિત કરી.
VIDEO | Police personnel and vehicles stationed outside Palam Air Force Station, Delhi.
Tahawwur Rana, a key accused in the 2008 attacks, is being brought to India on a special flight after his last-ditch attempt to evade extradition failed as the US Supreme Court justices… pic.twitter.com/V1wnPpJm1p
— Press Trust of India (@PTI_News) April 10, 2025
આ ટીમમાં આશિષ બત્રાનો સમાવેશ થાય છે, જેઓ 1997 બેચના ઝારખંડ પોલીસ કેડરના IPS અધિકારી છે. હાલમાં NIAમાં ઈન્સ્પેક્ટર જનરલ (IG) તરીકે પોસ્ટેડ બત્રાએ જહાનાબાદ અને રાંચી જેવા વિસ્તારોમાં સેવા આપી છે. ટીમના બીજા મહત્વના સભ્ય જયા રાય છે, જેઓ 2011 બેચના ઝારખંડ કેડરના IPS અધિકારી છે. ડેપ્યુટી ઇન્સ્પેક્ટર જનરલ (ડીઆઈજી) તરીકે કાર્યરત જયા હાલમાં એનઆઈએમાં સિનિયર પબ્લિક રિલેશન્સ ઓફિસરની જવાબદારી પણ સંભાળી રહી છે. તેમની હાજરીથી ટીમ મજબૂત બની.
ત્રીજા અધિકારી પ્રભાત કુમાર છે, જેઓ છત્તીસગઢ કેડરના 2019 બેચના IPS છે. NIAમાં પોલીસ અધિક્ષક (SP) તરીકે કાર્યરત પ્રભાત કુમારે અમેરિકામાં ટીમ સાથે કામ કર્યું હતું અને રાણાના ભારત આગમનની તૈયારીઓ સંભાળી હતી. તે દિલ્હી એરપોર્ટથી NIA હેડક્વાર્ટર સુધીના સમગ્ર ઓપરેશનના સંયોજક પણ છે. આ ટીમે અમેરિકામાં કાયદાકીય પ્રક્રિયા પૂરી કર્યા બાદ રાણાને કસ્ટડીમાં લીધો હતો અને હવે તેને વિશેષ ફ્લાઈટ દ્વારા દિલ્હી લાવવામાં આવ્યો છે. રાણાને દિલ્હીની તિહાર જેલમાં રાખવામાં આવશે, જ્યાં તેમની સુરક્ષા અને પૂછપરછ માટે કડક વ્યવસ્થા કરવામાં આવી છે. આ પ્રત્યાર્પણ ભારતની રાજદ્વારી અને કાનૂની સફળતાનું પણ પ્રતીક છે.
- ટાઇમલાઇન
26/11ના મુંબઈ હુમલા સાથે સંબંધિત તહવ્વુર રાણાના પ્રત્યાર્પણનો મામલો લાંબી કાનૂની લડાઈ બાદ આખરે ભારતની તરફેણમાં આવ્યો છે. યુએસ કોર્ટમાં એક પછી એક અરજીઓ ફગાવી દેવાથી, ભારત માટે રાણાના પ્રત્યાર્પણનો માર્ગ મોકળો થયો અને આજે ગુરુવારે તહવ્વુર રાણાને લઈ જતું પ્લેન દિલ્હી એરપોર્ટ પર લેન્ડ થયું છે.
