જલગાંવ ટ્રેન અકસ્માતમાં મૃત્યુઆંક વધ્યો, CM દેવેન્દ્ર ફડણવીસે દુઃખ વ્યક્ત કર્યું

Jalgaon Train Accident: જલગાંવ જિલ્લામાં એક ટ્રેનમાં આગ લાગવાની અફવા બાદ પાટા પરથી નીચે ઉતરેલા કેટલાક મુસાફરોને બાજુના ટ્રેક પર વિરુદ્ધ દિશામાંથી આવતી બીજી ટ્રેને ટક્કર મારી હતી અને આ અકસ્માતમાં ઓછામાં ઓછા 11 લોકોના મોત થયા હતા જ્યારે 30 લોકો ઘાયલ થયા હતા. મહારાષ્ટ્રના મુખ્યમંત્રી દેવેન્દ્ર ફડણવીસે આ અકસ્માત પર દુઃખ વ્યક્ત કર્યું છે.

દેવેન્દ્ર ફડણવીસે X પર એક પોસ્ટમાં કહ્યું, ‘પાચોરા નજીક એક ખૂબ જ દુ:ખદ ઘટનામાં કેટલાક લોકોના મોત ખૂબ જ પીડાદાયક છે.’ હું તેમને હૃદયપૂર્વક શ્રદ્ધાંજલિ અર્પણ કરું છું. મારા સહયોગી મંત્રી ગિરીશ મહાજન અને પોલીસ અધિક્ષક ઘટનાસ્થળે પહોંચી ગયા છે અને જિલ્લા કલેક્ટર ટૂંક સમયમાં ત્યાં પહોંચશે. સમગ્ર જિલ્લા વહીવટીતંત્ર રેલ્વે વહીવટીતંત્ર સાથે સંકલનમાં કામ કરી રહ્યું છે અને ઘાયલોની સારવાર માટે તાત્કાલિક વ્યવસ્થા કરવામાં આવી રહી છે. 8 એમ્બ્યુલન્સ રવાના કરવામાં આવી છે. ઘાયલોની સારવાર માટે જનરલ હોસ્પિટલ તેમજ નજીકની અન્ય ખાનગી હોસ્પિટલોને તૈયાર રાખવામાં આવી છે. કાચ કટર, ફ્લડ લાઇટ વગેરે જેવી કટોકટી પ્રણાલીઓને પણ સ્ટેન્ડબાય પર રાખવામાં આવી છે. અમે સમગ્ર પરિસ્થિતિ પર નજર રાખી રહ્યા છીએ અને તાત્કાલિક તમામ જરૂરી સહાય પૂરી પાડવામાં આવી રહી છે. હું જિલ્લા વહીવટીતંત્રના સંપર્કમાં છું.

Deeply saddened by the tragic loss of lives in an unfortunate incident near Pachora in Jalgaon district. My deepest condolences to the affected families. 🙏
My colleague Minister Girish Mahajan and the Superintendent of Police are already at the site, with the District Collector… https://t.co/MbS8rCdzDu

— Devendra Fadnavis (@Dev_Fadnavis) January 22, 2025

મહારાષ્ટ્ર સરકારના મંત્રી ગિરીશ મહાજને જિલ્લા મેજિસ્ટ્રેટ દ્વારા આપવામાં આવેલી માહિતીનો ઉલ્લેખ કરીને જણાવ્યું કે, આ અકસ્માત પચોરા નજીક માહેજી અને પરધાડે સ્ટેશનો વચ્ચે થયો હતો જ્યાં સાંજે લગભગ 5 વાગ્યે, લખનઉ-પુષ્પક એક્સપ્રેસમાં આગ લાગવાની અફવાને કારણે, કોઈએ ચેઈન ખેંચી અને ટ્રેન રોકાઈ ગઈ. સેન્ટ્રલ રેલ્વેના મુખ્ય પ્રવક્તા સ્વપ્નિલ નીલાએ જણાવ્યું હતું કે પુષ્પક એક્સપ્રેસના કેટલાક મુસાફરો નીચે ઉતર્યા હતા અને બેંગલુરુથી દિલ્હી જઈ રહેલી કર્ણાટક એક્સપ્રેસમાં કચડાઇ ગયા.

આ અકસ્માત જ્યાં થયો તે સ્થળ મુંબઈથી 400 કિલોમીટરથી વધુ દૂર છે. એક વરિષ્ઠ રેલવે અધિકારીએ જણાવ્યું હતું કે, “અમારી પ્રાથમિક માહિતી મુજબ પુષ્પક એક્સપ્રેસના એક કોચમાં ‘ગરમ એક્સલ’ અથવા ‘બ્રેક બાઈન્ડિંગ'(જામિંગ)ને કારણે, તણખા નીકળ્યા અને કેટલાક મુસાફરો ગભરાઈ ગયા.” તેમણે સાંકળ ખેંચી અને તેમાંથી કેટલાક નીચે કૂદી પડ્યા. તે જ સમયે, કર્ણાટક એક્સપ્રેસ બાજુના ટ્રેક પરથી પસાર થઈ રહી હતી અને કેટલાક મુસાફરો ટ્રેનની ચપેટમાં આવી ગયા હતા.