ફેન્સ માટે ‘ભગવાન’ છે આ અભિનેતા, મૃત ફેન્સના પરિવારનું વર્ષોથી કરે છે ભરણપોષણ

South Superstar: સાઉથના સેલિબ્રિટીઓ તેમના સારા વર્તન અને જીવનશૈલી માટે જાણીતા છે. અહીંના મેલ એક્ટર્સ તેમના સહ-અભિનેતાઓ સાથે માત્ર યોગ્ય વર્તન જ નથી કરતા પરંતુ તેઓ સફળતાને તેમના માથા પર ચઢવા દેતા નથી. આ સ્વભાવના કારણે સાઉથના લોકો ફિલ્મ સ્ટાર્સને ભગવાનનો દરજ્જો પણ આપે છે. આવી સ્થિતિમાં આ સ્ટાર્સ પણ પોતાના ફેન્સનું ખાસ ધ્યાન રાખે છે. આ કલાકારો તેમના ચાહકો સાથે એવી રીતે વર્તે છે જે ભાગ્યે જ કોઈ બોલીવુડ અભિનેતા કરી શકે છે. પરંતુ શું તમે જાણો છો કે સાઉથનો એક એક્ટર તેના ચાહકો માટે ભગવાનના દુતથી ઓછો નથી.

ફેન્સને સમર્પિત છે સાઉથનો આ સુપરસ્ટાર
આ અભિનેતા તેના ચાહકોને એટલો સમર્પિત છે કે જ્યારે તમે તેના વિશે જાણશો ત્યારે તમે આશ્ચર્યચકિત થઈ જશો. આ અભિનેતા લગભગ 11 વર્ષથી નિઃસ્વાર્થપણે તેના એક મૃત ચાહકના પરિવારની સંભાળ રાખે છે. આ સાંભળીને તમે પણ વિચાર્યું હશે કે આ ક્યો અભિનેતા છે. આજકાલ લોકો પોતાના પરિવાર માટે કંઈ કરતા નથી અને દરેક વ્યક્તિ પોતાના જીવનમાં વ્યસ્ત હોય છે. પરંતુ સત્ય એ છે કે આ અભિનેતા આજ સુધી પોતાના મૃત ફેનના પરિવારની સંભાળ લઈ રહ્યો છે. તમને જણાવી દઈએ કે અહીં જે અભિનેતાની વાત કરવામાં આવી રહી છે તે છે RRR ફેમ જુનિયર NTR છે.

આ પણ વાંચો: વૈષ્ણોદેવી પદયાત્રા માર્ગ પર ભૂસ્ખલન, 2 મહિલા શ્રદ્ધાળુના મોત: ત્રણ ઘાયલ

11 વર્ષથી સંભાળી રહ્યો છે ફેન્સના પરિવારને
તમને જણાવી દઈએ કે, આ વાત વર્ષ 2013ની છે જ્યારે જુનિયર એનટીઆરની ફિલ્મ ‘બાદશાહ’નું મ્યુઝિક લોન્ચ કરવામાં આવ્યું હતું. આ ખાસ ઈવેન્ટમાં અભિનેતાના ઘણા ચાહકોએ ભાગ લીધો હતો અને લોકોમાં ક્રેઝ એવો હતો કે આ ઈવેન્ટમાં ચાહકોની ભીડ જામી હતી. આવી સ્થિતિમાં આ ઘટના ક્યારે દુ:ખદ અકસ્માતમાં પરિણમી અને નાસભાગને કારણે એક ચાહકે જીવ ગુમાવ્યો તે ખબર જ ન પડી. આ પછી જુનિયર એનટીઆર એટલો દુઃખી થઈ ગયો કે તે પહેલા ફેન્સના પરિવારને મળવા ગયો અને આ નુકસાન પછી લગભગ 5 લાખ રૂપિયા આપીને મદદ કરી. એટલું જ નહીં છેલ્લા 11 વર્ષથી અભિનેતાએ તે મૃત ફેન્સના પરિવારની જવાબદારી ઉઠાવી છે.

આ સિવાય જુનિયર એનટીઆર તેના ચાહકો માટે કેટલો મહત્ત્વપૂર્ણ છે તેનું ઉદાહરણ પણ વર્ષ 2004માં જોવા મળ્યું હતું. જ્યારે અભિનેતાની ફિલ્મ ‘આંધરાવાલા’ રીલિઝ થઈ ત્યારે લગભગ 10 લાખ લોકો તેના મ્યુઝિક લૉન્ચ ઈવેન્ટમાં હાજરી આપવા આવ્યા હતા. કોઈને આ ભીડની અપેક્ષા ન હતી તેથી આ લોકો માટે કોઈ ખાસ વ્યવસ્થા નહોતી. આવી સ્થિતિમાં સરકારે પોતે હસ્તક્ષેપ કરવો પડ્યો અને અભિનેતાના ચાહકો માટે લગભગ 9 વિશેષ ટ્રેનો ચલાવવી પડી હતી.