શેખ હસીના ભારતમાં જ રહેશે, પ્રત્યાર્પણની માંગ વચ્ચે સરકારે લીધો આ નિર્ણય
Bangladesh: બાંગ્લાદેશના ભૂતપૂર્વ વડા પ્રધાન શેખ હસીનાનું પ્રત્યાર્પણ કરવામાં આવશે નહીં. ભારત સરકાર તરફથી બાંગ્લાદેશ સરકારને આપેલા પરોક્ષ સંદેશમાં આ મુદ્દે પોતાનું વલણ સ્પષ્ટ કરવામાં આવ્યું છે. ભારત સરકારે શેખ હસીનાનો પાસપોર્ટ રદ થવા છતાં તેમના વિઝા લંબાવ્યા છે. ગૃહ મંત્રાલયે શેખ હસીનાને ભારતમાં રહેવા માટે વિઝાની સમયમર્યાદા વધારી દીધી છે.
શેખ હસીના 5 ઓગસ્ટના રોજ ઢાકા છોડી આવ્યા હતા. તેના વિઝાને ભારતે એવા સમયે લંબાવ્યો છે જ્યારે બાંગ્લાદેશમાં તેના પ્રત્યાર્પણની ઘણી વાતો ચાલી રહી હતી. બાંગ્લાદેશ સરકારે તાજેતરમાં જ ભારત પાસે શેખ હસીનાના પ્રત્યાર્પણની માંગણી કરી હતી. આવી સ્થિતિમાં ભારત દ્વારા લેવામાં આવેલા આ નિર્ણયને ખૂબ જ મહત્વપૂર્ણ માનવામાં આવી રહ્યો છે. મોહમ્મદ યુનુસની સરકારે ભૂતપૂર્વ વડા પ્રધાન શેખ હસીનાનો પાસપોર્ટ રદ કર્યો છે અને તેમની સામે ધરપકડ વોરંટ જારી કર્યું છે.
ભારત તરફથી બાંગ્લાદેશને યોગ્ય જવાબ
પ્રત્યાર્પણની માંગ વચ્ચે, ભારતે શેખ હસીનાના વિઝાને લંબાવીને બાંગ્લાદેશ સરકારને યોગ્ય જવાબ આપ્યો છે અને એ પણ સ્પષ્ટ કર્યું છે કે હાલમાં પ્રત્યાર્પણ કરવામાં આવશે નહીં. બાંગ્લાદેશ સરકારે ડિસેમ્બર મહિનામાં ભારતને એક નોટ મોકલીને તેના બાંગ્લાદેશને પ્રત્યાર્પણની વિનંતી કરી હતી. ભારતના આ નિર્ણય બાદ બાંગ્લાદેશ આ મામલે શું કાર્યવાહી કરે છે તેના પર ભારત નજર રાખી રહ્યું છે.
શેખ હસીનાના વિઝાની મુદત લંબાયા બાદ તે હાલમાં ભારતની રાજધાની દિલ્હીમાં જ રહેશે. શેખ હસીના બાંગ્લાદેશથી પરત ફર્યા બાદ ત્યાં મોહમ્મદ યુનુસની વચગાળાની સરકાર ચાલી રહી છે. બાંગ્લાદેશમાં લાંબા સમયથી ચાલી રહેલા દેશવ્યાપી વિરોધને કારણે 77 વર્ષની ઉંમરે શેખ હસીનાને ભાગીને ભારત આવી જવું પડ્યું હતું.
