શેર છે કે કુબેરનો ખજાનો! 200 રૂપિયાના રોકાણકારો 4 મહિનામાં જ કરોડપતિ બન્યાં
નવી દિલ્હીઃ ઘણી વખત એવા શેર શેરબજારમાં આવે છે કે જે તેમના રોકાણકારો માટે કુબેરનો ખજાનો સાબિત થાય છે. આવો જ એક શેર NBFC કંપની Elcid Investmentsનો હોવાનું પણ સાબિત થયું છે. આ નાની કંપનીએ માત્ર 4 મહિનામાં જ એવો ચમત્કાર કર્યો છે કે, માત્ર 200 રૂપિયાનું રોકાણ કરનાર વ્યક્તિ પણ આજે કરોડપતિ બની ગયો છે. રસપ્રદ વાત એ છે કે હવે આ સ્ટોકની કિંમત દેશમાં સૌથી વધુ થઈ ગઈ છે. એમઆરએફ શેરની કિંમત પણ તેના કરતાં અડધી થઈ ગઈ છે.
21 જૂને આ કંપનીના શેરની કિંમત માત્ર 3.53 રૂપિયા હતી. પરંતુ, BSE પર છેલ્લા ટ્રેડિંગમાં એટલે કે 29 ઓક્ટોબરે આ શેર 2.36 લાખ પર બંધ થયો હતો. જો આ રીતે જોવામાં આવે તો આ સ્ટોક માત્ર 4 મહિનાના ગાળામાં લગભગ 66,926 વખત ઉછળ્યો છે. હવે આ સ્ટોક MRF કરતા મોંઘો બની ગયો છે, જે છેલ્લા ટ્રેડિંગ સેશનમાં રૂ. 1.23 લાખ પર બંધ થયો હતો.
એલસીડ ઇન્વેસ્ટમેન્ટ્સના શેરમાં આટલો વધારો શા માટે થયો?
સૌપ્રથમ તેના પ્રમોટર્સે 29 ઓક્ટોબરે BSE પર કંપનીને ફરીથી લિસ્ટ કરી હતી. જેના કારણે માર્કેટ કેપ વધીને 4,725 કરોડ થઈ હતી. આ લિસ્ટિંગ ખાસ કોલ ઓક્શન દ્વારા કરવામાં આવ્યું છે. પ્રમોટર્સે તેને 1,61,023 પ્રતિ શેરના ભાવે ડિલિસ્ટ કર્યું અને પછી તેને ફરીથી લિસ્ટ કરાવ્યું હતું. બીજું કારણ એ છે કે કંપની પાસે એશિયન પેઇન્ટ્સ લિમિટેડમાં 2.95 ટકા હિસ્સો છે, જેનું મૂલ્ય 8,500 કરોડ રૂપિયા હોવાનું કહેવાય છે. આ બે કારણોને લીધે ફરીથી લિસ્ટ કર્યા પછી કંપનીનું મૂલ્યાંકન ખૂબ ઊંચું રહ્યું, જેના કારણે શેરમાં જબરદસ્ત વધારો થયો.
કંપની શું કરે છે?
એલસીડ ઇન્વેસ્ટમેન્ટ્સનું મુખ્ય કામ લોકોના પૈસાનું રોકાણ કરવાનું છે. આ કંપની મૂળભૂત રીતે શેર, ડિબેન્ચર અને મ્યુચ્યુઅલ ફંડમાં નાણાંનું રોકાણ કરે છે. આ કામ કંપનીની બે પેટાકંપનીઓ મુરાહર ઈન્વેસ્ટમેન્ટ એન્ડ ટ્રેડિંગ અને સુપ્તસ્વર ઈન્વેસ્ટમેન્ટ એન્ડ ટ્રેડિંગ દ્વારા કરવામાં આવે છે. એક સમયે કંપનીની સૌથી વધુ કિંમત 4.58 લાખ રૂપિયા સુધી પહોંચી ગઈ હતી.
