કાશ્મીરમાં સુરક્ષાદળોને મળી મોટી સફળતા, હિઝબુલનો સૌથી જૂનો આતંકવાદી ઠાર

Hizbul Mujahideen: જમ્મુ-કાશ્મીરના કુલગામ જિલ્લામાં ગુરુવારે થયેલા એન્કાઉન્ટરમાં પાંચ આતંકવાદીઓ માર્યા ગયા હતા. તેમની પાસેથી આઈડી કાર્ડ પણ મળી આવ્યા છે. માર્યા ગયેલા આતંકીઓમાં આતંકી ફારૂકનો પણ સમાવેશ થાય છે. નોંધનીય છે કે, તે સતત આતંકવાદી ઘટનાઓને અંજામ આપતો હતો. સુરક્ષા દળો માટે આ એક મોટી સફળતા છે.

#Kadder Behibagh #Kulgam encounter:
Total 05 Hizbul Mujahideen trts have been eliminated by forces in Kulgam.
One of the Longest surviving trt Farooq Nali also neutralised. pic.twitter.com/fyAfjsAC7K

— Sumant N Tivary🇮🇳 (@Tivary) December 19, 2024

આ પહેલા એક પોલીસ અધિકારીએ કહ્યું હતું કે એન્કાઉન્ટર સ્થળ પર પાંચ મૃતદેહો જોવા મળ્યા છે અને ઓપરેશન હજુ ચાલુ છે. તેમણે કહ્યું કે કુલગામના કાદર વિસ્તારમાં કોર્ડન અને સર્ચ ઓપરેશન દરમિયાન એન્કાઉન્ટર શરૂ થયું હતું.

સેનાએ કહ્યું કે કાદર બેહીબાગમાં આતંકવાદીઓની હાજરી અંગે ચોક્કસ ગુપ્ત માહિતીના આધારે સેના અને જમ્મુ અને કાશ્મીર પોલીસ દ્વારા સંયુક્ત ઓપરેશન શરૂ કરવામાં આવ્યું હતું. શ્રીનગર સ્થિત આર્મીના ચિનાર કોર્પ્સે જણાવ્યું હતું કે, “સતર્ક સૈનિકોએ શંકાસ્પદ ગતિવિધિઓ જોઈ અને આતંકવાદીઓને પડકાર્યા. તેના પર આતંકવાદીઓએ અંધાધૂંધ અને મોટી માત્રામાં ગોળીબાર શરૂ કરી દીધો હતો. અમારા સૈનિકોએ અસરકારક રીતે જવાબ આપ્યો. “અભિયાન હજુ ચાલુ છે.”

અગાઉ, સુરક્ષા દળોએ કુપવાડા જિલ્લામાં નિયંત્રણ રેખા (એલઓસી) નજીક હથિયારો, દારૂગોળો અને માદક દ્રવ્યો જપ્ત કર્યા હતા. સેનાએ ગયા બુધવારે આ માહિતી આપી હતી. સેનાએ કહ્યું કે મંગળવારે તંગધારના અમરોહીમાં પોલીસના સહયોગથી આ રિકવરી કરવામાં આવી હતી.

શ્રીનગર સ્થિત ચિનાર કોર્પ્સે ‘X’ પર એક પોસ્ટમાં જણાવ્યું હતું કે, “ચોક્કસ ગુપ્ત માહિતીના આધારે, 17 ડિસેમ્બરે, ભારતીય સેના અને જમ્મુ અને કાશ્મીર પોલીસે સામાન્ય વિસ્તાર અમરોહી, તંગધાર, કુપવાડામાં સંયુક્ત સર્ચ ઓપરેશન શરૂ કર્યું. તલાશી દરમિયાન ચાર પિસ્તોલ, છ પિસ્તોલ મેગેઝીન, લગભગ ચાર કિલોગ્રામ માદક દ્રવ્ય અને અન્ય યુદ્ધ સામગ્રી મળી આવી છે. પોસ્ટમાં કહેવામાં આવ્યું છે કે, ‘ચિનાર કોર્પ્સ કાશ્મીરને આતંકવાદ મુક્ત રાખવાની તેની પ્રતિબદ્ધતા પર અડગ છે.