સાબરકાંઠામાં પહેલા જ વરસાદે નદીમાં પૂર, ઉપરવાસમાં ભારે વરસાદથી તારાજી

સાબરકાંઠાઃ જિલ્લામાં પ્રથમ વરસાદે જ હરણાવ નદીમાં પૂર આવ્યું છે. ત્યારે વિજયનગર સહિત રાજસ્થાનના ઉપરવાસમાં ભારે વરસાદ વરસ્યો છે. જેને કારણે હરણાવ નદી બે કાંઠે વહી રહી છે. વરસાદને પગલે સ્થાનિક ખેડૂતોમાં પણ ખુશીનો માહોલ છવાયો છે. રાજસ્થાનના ગણેશવાસ, આંબાપીળી, સરવણમાળા સહિતનાં ગામડાઓમાં ભારે વરસાદ વરસ્યો હતો. ત્યારે હરણાવ નદીમાં પૂર આવતા પોળો ફોરેસ્ટમાં પ્રકૃતિ સોળે કળાએ ખીલી ઉઠશે.

ખંભાળિયાના કેશોદ ગામમાં વીજળી પડતા એકનું મોત
ખંભાળિયાના કેશોદ ગામના સીમ વિસ્તારમાં વીજળી પડતા એકનું મોત નીપજ્યું છે. ગાજવીજ સાથે વરસાદ હોવાથી વીજળી પડી હતી. જેમાં એક શ્રમિકનું મોત નીપજ્યું છે. 50 વર્ષના બાલુભાઈ આવડ નામના વ્યક્તિ વાડીમાં કામ કરી રહ્યા હતા અને તે સમયે જ વીજળી પડતા ઘટનાસ્થળે જ તેમનું મોત નીપજ્યું છે. હાલ તેમના મૃતદેહને પોસ્ટમોર્ટમ અર્થે ખસેડવામાં આવ્યો છે.

આ પણ વાંચોઃ કપડવંજમાં કરંટ લાગતા મહિલાનું મોત, બે બાળકો નોંધારા બન્યાં

વીજળી પડતા ત્રણ પશુઓનાં મોત
ખંભાળિયાના કેશોદમાં વીજળી પડતા 3 પશુનાં મોત નીપજ્યા છે. વરસાદી વાતાવરણમાં પંથકમાં વીજળી પડવાના બનાવો સામે આવ્યાં છે. પશુ પાલકની 3 ભેંસો પર વીજળી પડતા મોત નીપજ્યા છે. મોંઘીદાટ ભેંસોના મોત નીપજતા પશુપાલક પરિવારમાં ગમગીની છવાઈ ગયો છે. પૂંજાભાઈ સવદાસભાઈ ડેર નામના ખેડૂતની ત્રણ ભેંસોનાં મોત નીપજ્યા છે.