રશિયા-યુક્રેન યુદ્ધમાં ઇસ્ટર બ્રેક, વ્લાદિમીર પુતિને યુદ્ધવિરામની કરી જાહેરાત
Russia-Ukraine Easter Ceasefire: યુક્રેન સાથેના યુદ્ધ વચ્ચે રશિયાના રાષ્ટ્રપતિ વ્લાદિમીર પુતિને યુદ્ધવિરામની જાહેરાત કરી. પુતિને જાહેરાત કરી કે ઇસ્ટર યુદ્ધવિરામ શનિવારે રાત્રે 8.30 વાગ્યાથી રવિવારના મધ્ય સુધી રહેશે.પુતિને જાહેરાત કરી કે શનિવારે રાત્રે 8.30 વાગ્યાથી રવિવારના મધ્ય સુધી ઇસ્ટર યુદ્ધવિરામ રહેશે. ઇસ્ટર તહેવાર દરમિયાન માનવતાવાદી રાહત અને શાંતિ પ્રયાસોના ભાગ રૂપે આ નિર્ણય લેવામાં આવ્યો હતો.
વ્લાદિમીર પુતિને શું કહ્યું?
વ્લાદિમીર પુતિને કહ્યું કે તેમને આશા છે કે યુક્રેન પણ રશિયા દ્વારા જાહેર કરાયેલા યુદ્ધવિરામ નિયમોનું પાલન કરશે અને શાંતિનો માર્ગ અપનાવશે. ઇસ્ટર તહેવારને ધ્યાનમાં રાખીને માનવતાવાદી કારણોસર આ નિર્ણય લેવામાં આવ્યો હતો. જોકે, પુતિને સેના પ્રમુખ વેલેરી ગેરાસિમોવને સૂચના આપી છે કે, જો યુક્રેન યુદ્ધવિરામ દરમિયાન નિયમોનું પાલન ન કરે અથવા તેનું ઉલ્લંઘન ન કરે તો સેનાએ તૈયાર રહેવું પડશે.
અમેરિકા તરફથી દબાણ
પુતિન દ્વારા યુદ્ધવિરામની જાહેરાત એવા સમયે કરવામાં આવી છે જ્યારે યુએસ રાષ્ટ્રપતિ ડોનાલ્ડ ટ્રમ્પ રશિયા-યુક્રેન સંઘર્ષને શક્ય તેટલી વહેલી તકે સમાપ્ત કરવાનો સતત પ્રયાસ કરી રહ્યા છે. એવા અહેવાલો હતા કે ટ્રમ્પ અને વિદેશમંત્રી માર્કો રુબિયો રશિયા અને યુક્રેન વચ્ચે શાંતિ વાટાઘાટોની ધીમી ગતિથી ગુસ્સે હતા. શુક્રવારે, બંને નેતાઓએ કહ્યું હતું કે જો ટૂંક સમયમાં કોઈ પરિણામ નહીં આવે, તો અમેરિકા વાટાઘાટોથી પોતાને દૂર રાખશે.
