રોહિતને ટ્રોલ કરનાર કોંગ્રેસ નેતા શમા મોહમ્મદના બદલાયા સૂર, કર્યા ક્રિકેટરના વખાણ

Rohit Sharma: રોહિત શર્માને મેદસ્વીતાને લઈને ટ્રોલ કરનાર કોંગ્રેસ નેતા શમા મોહમ્મદના સૂર અચાનક બદલાઈ ગયા છે. તેણે હવે ભારતીય ક્રિકેટ ટીમના કેપ્ટન રોહિત શર્માના વખાણ કર્યા છે. આઈસીસી ચેમ્પિયન્સ ટ્રોફીની સેમીફાઈનલમાં ઓસ્ટ્રેલિયા સામે ટીમ ઈન્ડિયાની જીત પર કોંગ્રેસના નેતા શમા મોહમ્મદે કહ્યું કે આજે હું ખૂબ જ ખુશ છું કે રોહિત શર્માની કેપ્ટન્સીમાં ભારતે ઓસ્ટ્રેલિયા સામે સેમીફાઈનલ મેચ જીતી છે. હું વિરાટ કોહલીને 84 રન બનાવવા બદલ અભિનંદન આપું છું…હું ખૂબ જ ઉત્સાહિત છું અને ફાઈનલની રાહ જોઈ રહી છું. મને પૂરો વિશ્વાસ છે કે ટીમ ઈન્ડિયા ચેમ્પિયન્સ ટ્રોફી જીત્યા બાદ જ દેશ પરત ફરશે.

#WATCH | Delhi: On team India's victory against Australia in the semi-finals of the ICC Champions Trophy, Congress leader Shama Mohamed says, "I am very happy today that India has won the semi-final match against Australia under the captaincy of Rohit Sharma. I congratulate Virat… pic.twitter.com/UbRi2k3lqs

— ANI (@ANI) March 4, 2025

શમાએ તેના પર એક પોસ્ટ લખી હતી
તમને જણાવી દઈએ કે શમા મોહમ્મદે રોહિત શર્માને ‘જાડો’ કહીને વિવાદ ઉભો કર્યો હતો. પરંતુ ટીમ ઈન્ડિયાના કેપ્ટન રોહિત શર્મા પર સ્થૂળતા અંગે કરવામાં આવેલી ટિપ્પણીને લઈને ઉભા થયેલા વિવાદ વચ્ચે હવે કોંગ્રેસ નેતાનો એક નવો વીડિયો સામે આવ્યો છે, જેમાં તે ચેમ્પિયન ટ્રોફીની સેમીફાઈનલમાં ઓસ્ટ્રેલિયાને હરાવવા બદલ ટીમ ઈન્ડિયા અને રોહિત શર્માને અભિનંદન આપી રહી છે. તેણે સ્ટાર બેટ્સમેન વિરાટ કોહલીને દુબઈમાં ઓસ્ટ્રેલિયા સામે 84 રન બનાવવા બદલ અભિનંદન આપ્યા અને કહ્યું કે તે ફાઈનલની રાહ જોઈ રહી છે.

Unrepentent Congress leader Shama Mohammed after her Insensitive Body Shaming tweet on Indian Cricket Captain Rohit Sharma #RohitSharma #ShamaMohamed pic.twitter.com/nhh4KWsKeR

— Rosy (@rose_k01) March 3, 2025

શમા મોહમ્મદે તેના X હેન્ડલ પર ઓસ્ટ્રેલિયા સામે ભારતની શાનદાર જીત બદલ અભિનંદન આપતા એક પોસ્ટ લખી અને વિરાટ કોહલીને ખૂબ ખૂબ અભિનંદન આપ્યા. તેણે પોસ્ટમાં લખ્યું છે કે ચેમ્પિયન્સ ટ્રોફી 2025ની સેમીફાઈનલમાં ઓસ્ટ્રેલિયા સામેની શાનદાર જીત માટે ટીમ ઈન્ડિયાને અભિનંદન. ICC નોકઆઉટ ટુર્નામેન્ટમાં 84 રન બનાવનાર અને 1000 રન બનાવનાર પ્રથમ ખેલાડી બનવા બદલ @imVkohli ને ખૂબ ખૂબ અભિનંદન!

આ પણ વાંચો: માંડવીમાં મુખ્ય કેનાલમાં ગાબડું પડતા લોકોના ઘરો અને ખેતરોમાં ઘૂસ્યા પાણી

વિવાદ બાદ પોસ્ટ ડિલીટ કરી દેવામાં આવી હતી
તમને જણાવી દઈએ કે હાલમાં ડિલીટ કરાયેલી પોસ્ટમાં શમા મોહમ્મદે રોહિત શર્મા વિરુદ્ધ ટિપ્પણી કરી હતી. સોમવાર 3 માર્ચના રોજ, તેણે રોહિત શર્માને જાડો કહ્યો હતો અને ભારતના ઇતિહાસમાં સૌથી બિનઅસરકારક કેપ્ટન કહ્યો. પોસ્ટમાં તેણે લખ્યું કે રોહિત શર્મા એક ખેલાડી માટે ફેટ છે! વજન ઘટાડવાની જરૂર છે! અને હા, ભારતનો અત્યાર સુધીનો સૌથી અપ્રભાવશાળી કેપ્ટન! ભાજપે શમા મોહમ્મદની ટિપ્પણીની નિંદા કરી અને કોંગ્રેસ પર બોડી શેમિંગ અને વર્લ્ડ કપ વિજેતાનું અપમાન કરવાનો આરોપ લગાવ્યો.