મનમોહન સિંહનું સ્મારક બનાવવાની પ્રક્રિયા શરૂ, કેન્દ્ર સરકારે પરિવારને આપ્યા આ વિકલ્પો
Dr. Manmohan Singh Memorial: ભારત સરકારે પૂર્વ વડાપ્રધાન મનમોહન સિંહના પરિવારને તેમના સ્મારકને લઈને કેટલાક વિકલ્પો આપ્યા છે. આ વિકલ્પોમાં નેશનલ મેમોરિયલ સાઇટ સહિત અન્ય કેટલાક સ્થળોના નામનો સમાવેશ થાય છે, જ્યાં તેમનું સ્મારક બનાવવામાં આવે તેવી શક્યતા છે.
Earlier this morning, Congress President had written to the Prime Minister, suggesting that the cremation of the former Prime Minister, Dr Manmohan Singh, take place at a location where a memorial could be built to honour his legacy.
The people of our country are simply unable…
— Jairam Ramesh (@Jairam_Ramesh) December 27, 2024
સરકારી સૂત્રોના જણાવ્યા અનુસાર, પરિવાર દ્વારા સ્મારકની જગ્યા પસંદ કર્યા બાદ ટ્રસ્ટ બનાવવાની પ્રક્રિયા પૂર્ણ કરવામાં આવશે. આ ટ્રસ્ટ સ્મારક નિર્માણના આયોજન અને ત્યારપછીની તમામ પ્રવૃત્તિઓની દેખરેખ રાખશે. પરિવારે હજુ સુધી કોઈ ચોક્કસ સ્થળ અંગે કોઈ નિર્ણય લીધો નથી. ટ્રસ્ટ સ્મારકની જમીન માટે અરજી કરશે. જમીનની ફાળવણી પછી, CPWD સાથે એમઓયુ પર હસ્તાક્ષર કરવામાં આવશે. આ પછી જ સ્મારક બનાવવાનું કામ શરૂ થઈ શકશે.
આ સ્થળોએ સ્મારક બનાવી શકાય છે
ભૂતપૂર્વ વડા પ્રધાન મનમોહન સિંહનું 26 ડિસેમ્બર 2024ના રોજ અવસાન થયું હતું. આ પછી કોંગ્રેસે તેમના સ્મારકને લઈને કેન્દ્ર સરકાર પાસે માંગણી કરી હતી. સૂત્રોના જણાવ્યા પ્રમાણે મનમોહન સિંહના સ્મારક માટે રાજઘાટ, રાષ્ટ્રીય સ્મારક અથવા કિસાન ઘાટ પાસે એકથી દોઢ એકર જમીન આપી શકાય છે.
