બ્રિટિશ હોસ્ટે Priyanka Chopdaનું કર્યું અપમાન, કહ્યું : ”ચિયાંકા’, ભડક્યા ફેન્સ’
મુંબઈ: ભારતની દેશી ગર્લ પ્રિયંકા ચોપરા હાલમાં લક્ઝરી જ્વેલરી બ્રાન્ડ બુલ્ગારીની 140મી એનિવર્સરી સેલિબ્રેશનમાં ધૂમ મચાવી રહી છે. આ ઇવેન્ટમાં સોશિયલ મીડિયા પર આ બ્રાન્ડની જ્વેલરી પહેરેલી જોવા મળેલી પ્રિયંકાના લુક્સ લોકોના દિલ જીતી રહ્યા છે. પરંતુ આ દરમિયાન એક વીડિયો વાયરલ થઈ રહ્યો છે જેનાથી પ્રિયંકાના ફેન્સ નારાજ છે.
એક બ્રિટિશ ટીવી હોસ્ટે તેના કાર્યક્રમમાં પ્રિયંકાનું નામ ખોટી રીતે લીધું અને માત્ર ખોટું નહીં, ગંભીર રીતે ખોટું! આ હોસ્ટનો વીડિયો સોશિયલ મીડિયા પર વાયરલ થઈ રહ્યો છે અને પ્રિયંકાના ફેન્સ તેના પર નારાજ થઈ રહ્યા છે.
બ્રિટિશ હોસ્ટ પ્રિયંકાનું નામ બોલી શક્યા નહીં
માર્ચમાં બ્રિટિશ ટીવી હોસ્ટ એન્ડી પીટર્સે માર્ચમાં તેમના ‘ગુડ મોર્નિંગ બ્રિટન’ કાર્યક્રમ માટે લંડનના મેડમ તુસાદ મ્યુઝિયમની મુલાકાત લીધી હતી. એન્ડી પોતાના કાર્યક્રમમાં આ મ્યુઝિયમમાં સ્થાપિત સેલિબ્રિટીઓના મીણના પૂતળા વિશે વાત કરી રહ્યા હતા. જ્યારે એન્ડી તેના શો દરમિયાન પ્રિયંકાના મીણના પૂતળા પાસે પહોંચ્યો ત્યારે તે તેનું નામ લેવામાં અટવાઈ ગયો. તેણે પ્રિયંકા ચોપરાને કંઈક એવું કહ્યું કે ‘ચિયાંકા ચોપ ફ્રી’. ઘણી વખત પ્રયાસ કર્યા પછી પણ એન્ડી પ્રિયંકાનું નામ યોગ્ય રીતે લઇ શક્યો ન હતો.
View this post on Instagram
એન્ડી જ્યારે મ્યુઝિયમમાં હતો ત્યારે સ્ટુડિયોમાં બેઠેલા કાર્યક્રમના હોસ્ટ આદિલ રે અને ચાર્લોટ હોકિન્સે હાવભાવથી તેની ભૂલ સુધારી હતી. સ્ટુડિયોમાં બેઠેલા હોસ્ટે એન્ડીને ઠપકો આપતાં કહ્યું, ‘સાચું કહું તો એન્ડી, જો તમે કોઈની પાસે જાવ તો પહેલાં એનું નામ શું છે તે શોધી લે. આ છે પ્રિયંકા ચોપરા, ભારતીય બોલીવુડ અભિનેત્રી જે અમેરિકામાં એક મોટી સ્ટાર છે.
પ્રિયંકાના ચાહકો ગુસ્સે થઈ ગયા
આ વાયરલ વીડિયોને જોઈને પ્રિયંકા ચોપરાના ફેન્સ ગુસ્સે થઈ રહ્યા છે. લોકો એન્ડીની તૈયારીના અભાવ પર પોતાનો ગુસ્સો વ્યક્ત કરી રહ્યા છે અને આરોપ લગાવી રહ્યા છે કે તેણે જાણીજોઈને પ્રિયંકાનું નામ ખોટું લીધું છે. એક પ્રશંસકે લખ્યું, ‘આ બહુ મોટું અપમાન છે, માત્ર નામ ખોટું નથી લેવું, કારણ કે કોઈ પણ વ્યક્તિ ભૂલ કરી શકે છે, પરંતુ આ જાણી જોઈને કરવામાં આવ્યું હતું.’
અન્ય એક ચાહકે કોમેન્ટ કરી કે, ‘કોઈ એન્ડી પીટર્સને કહે કે પ્રિયંકા ચોપરાએ મેડમ તુસાદમાં પોતાનું સ્થાન મેળવ્યું છે.’ આ વીડિયોથી ગુસ્સે થઈને એક પ્રશંસકે લખ્યું, ‘મને એન્ડી ગમતો હતો – હવે નહીં! આ ખૂબ જ ખરાબ હતું અને તેનું નામ લેવું એટલું મુશ્કેલ નથી.
પ્રિયંકાના વર્ક ફ્રન્ટની વાત કરીએ તો તે ટૂંક સમયમાં હોલીવુડ પ્રોજેક્ટ ‘હેડ ઓફ સ્ટેટ’માં જોવા મળશે. આમાં તેની સાથે ઈદ્રિસ એલ્બા, જોન સીના અને જેક ક્વિડ જેવા હોલીવુડના મોટા સ્ટાર્સ કામ કરી રહ્યા છે.
