Port Blair હવે ‘શ્રી વિજયપુરમ’ તરીકે ઓળખાશે, અમિત શાહે કરી જાહેરાત
Port Blair New Name: કેન્દ્રીય ગૃહ મંત્રી અમિત શાહે શુક્રવારે જાહેરાત કરી હતી કે, આંદામાન અને નિકોબાર ટાપુઓની રાજધાની પોર્ટ બ્લેરનું નામ બદલીને ‘શ્રી વિજયપુરમ’ કરવામાં આવ્યું છે. અમિત શાહે સોશિયલ મીડિયા પ્લેટફોર્મ પર લખ્યું, દેશને ગુલામીના તમામ પ્રતીકોમાંથી મુક્ત કરવાના વડાપ્રધાન નરેન્દ્ર મોદીના સંકલ્પથી પ્રેરિત થઈને આજે ગૃહ મંત્રાલયે પોર્ટ બ્લેરનું નામ ‘શ્રી વિજયપુરમ’ રાખવાનો નિર્ણય કર્યો છે.‘શ્રી વિજયપુરમ’ નામ આપણી આઝાદી માટેની લડત અને તેમાં આંદામાન અને નિકોબારના યોગદાનને દર્શાવે છે.
देश को गुलामी के सभी प्रतीकों से मुक्ति दिलाने के प्रधानमंत्री श्री @narendramodi जी के संकल्प से प्रेरित होकर आज गृह मंत्रालय ने पोर्ट ब्लेयर का नाम ‘श्री विजयपुरम’ करने का निर्णय लिया है।
‘श्री विजयपुरम’ नाम हमारे स्वाधीनता के संघर्ष और इसमें अंडमान और निकोबार के योगदान को…
— Amit Shah (@AmitShah) September 13, 2024
֥‘ઈતિહાસમાં અનોખું સ્થાન ધરાવે છે’
તેમણે કહ્યું, આપણા દેશની સ્વતંત્રતા અને ઈતિહાસમાં આ ટાપુનું આગવું સ્થાન છે. ચોલા સામ્રાજ્યમાં નૌકાદળની ભૂમિકા ભજવનાર આ ટાપુ આજે દેશની સુરક્ષા અને વિકાસને વેગ આપવા માટે તૈયાર છે. આ ટાપુ નેતાજી સુભાષચંદ્ર બોઝ દ્વારા ત્રિરંગો લહેરાવ્યાથી લઈને વીર સાવરકર અને અન્ય સ્વાતંત્ર્ય સેનાનીઓ દ્વારા ભારત માતાની આઝાદી માટેના સંઘર્ષ સુધીનું સ્થળ પણ છે.
અગાઉ ગયા વર્ષે જાન્યુઆરીમાં પરાક્રમ દિવસના અવસર પર પીએમ મોદીએ 21 અનામી ટાપુઓને પરમવીર ચક્ર વિજેતાઓના નામ પર રાખવાની જાહેરાત કરી હતી. આટલું જ નહીં, પીએમ મોદીએ નેતાજી સુભાષ ચંદ્ર બોઝ આઇલેન્ડ પર બની રહેલા નેશનલ મેમોરિયલના મોડલનું અનાવરણ કર્યું હતું. કેન્દ્ર સરકારે નિકોબાર ટાપુ પર 72000 કરોડ રૂપિયાના પ્રોજેક્ટને પણ મંજૂરી આપી છે.
