પહેલા જમ્મુમાં બોમ્બ, બંદૂક અને અપહરણ સંબંધિત સમાચાર આવતા: PM મોદી
PM Modi in Jammu : વડાપ્રધાન નરેન્દ્ર મોદી આજે જમ્મુની મુલાકાતે છે. પીએમ મોદી જમ્મુના એમએ સ્ટેડિયમ ખાતે પહોંચ્યા હતા. આ દરમિયાન તેમણે રૂ. 32.5 હજાર કરોડના વિકાસ પ્રોજેક્ટનું ઉદ્ઘાટન, લોકાર્પણ અને શિલાન્યાસ કર્યો હતો. પીએમ નરેન્દ્ર મોદીએ જમ્મુ-કાશ્મીરમાં નવા સરકારી કર્મચારીઓને નિમણૂકના ઓર્ડરનું પણ વિતરણ કર્યું હતું. PMએ આજે લગભગ 1500 જેટલી નવી સરકારી ભરતીઓને નિમણૂકના ઓર્ડરનું વિતરણ કર્યું હતું.
અગાઉની સરકારોએ સૈનિકોનું સન્માન પણ નહોતું કર્યું: PM મોદી
પીએમ મોદીએ કહ્યું કે અગાઉની સરકારોએ ક્યારેય આપણા જવાનોનું સન્માન કર્યું નથી. કોંગ્રેસ સરકાર છેલ્લા 40 વર્ષથી વન રેન્ક, વન પેન્શનને લઈને આપણા સૈનિકો સાથે ખોટું બોલતી રહી છે. ભાજપ જ OROP લાવી છે. વધુમાં પીએમ મોદીએ કહ્યું કે દિલ્હી-અમૃતસર-કટરા એક્સપ્રેસ વે પર કામ ઝડપથી ચાલી રહ્યું છે. તેના નિર્માણ બાદ જમ્મુ-કાશ્મીર પહોંચવું વધુ સરળ બની જશે. તેમણે કહ્યું કે જમ્મુ-કાશ્મીરની સુંદરતા, પરંપરા અને આતિથ્ય માટે આખી દુનિયા અહીં આવવા આતુર છે. જમ્મુ-કાશ્મીરમાં સ્થાનિક અને વિદેશી પ્રવાસીઓની સંખ્યામાં મોટો ઉછાળો આવ્યો છે. ગયા વર્ષે જમ્મુ-કાશ્મીરમાં બે કરોડથી વધુ પ્રવાસીઓ આવ્યા હતા. ગયા વર્ષે મા વૈષ્ણોદેવીના દર્શને આવતા ભક્તોની સંખ્યા છેલ્લા એક દાયકામાં સૌથી વધુ નોંધાઈ હતી. કાશ્મીરની ઘાટીમાં આવનારા લોકો સ્વિત્ઝરલેન્ડ જવાનું ભૂલી જશે.
તે દિવસ દૂર નથી જ્યારે દેશવાસીઓ ટ્રેન દ્વારા કાશ્મીર પહોંચશે
ક્યારેક કાશ્મીરમાં બંધ અને હડતાળના કારણે સન્નાટો છવાઈ જતો હતો, પરંતુ હવે રાત્રે પણ અવર-જવરની પ્રવૃત્તિ થાય છે. પીએમ મોદીએ કહ્યું કે આજે એક ટ્રેન શ્રીનગરથી સંગલદાન અને સંગલદાનથી બારામુલ્લા માટે રવાના થઈ છે. એ દિવસ દૂર નથી જ્યારે દેશવાસીઓ ટ્રેન દ્વારા કાશ્મીર પહોંચશે. આજે કાશ્મીરને તેની પહેલી ઇલેક્ટ્રિક ટ્રેન મળી છે. હવે જમ્મુ-કાશ્મીરને બે વંદે ભારત ટ્રેનની સુવિધા આપવામાં આવી છે. વધુમાં પીએમ મોદીએ કહ્યું રાજ્યના વિકાસમાં સૌથી મોટો અવરોધ કલમ 370 હતી. આ દિવાલ ભાજપ સરકાર દ્વારા તોડી પાડવામાં આવી છે. પીએમે જનતાને આ લોકસભા ચૂંટણીમાં ભાજપને 370 સીટો અને એનડીએને 400 સીટો પાર કરવાની અપીલ કરી હતી.
#WATCH | Kishtwar, J&K: PM Ujjwala Yojana beneficiary Veena Devi interacted with PM Modi today, says, "I am very happy that today I interacted with the PM. I told him about my life… Because of him, several can avail the benefits of several schemes…I want to thank PM for the… pic.twitter.com/5wP2ZwDSjw
— ANI (@ANI) February 20, 2024
એવા દિવસો હતા જ્યારે શાળાઓ સળગતી હતી, હવે શાળાઓ શણગારવામાં આવે છે
પીએમ મોદીએ કહ્યું કે જમ્મુ-કાશ્મીરમાં એવા દિવસો હતા જ્યારે શાળાઓને સળગાવવામાં આવતી હતી, પરંતુ આજે એવા દિવસો આવ્યા છે કે શાળાઓને શણગારવામાં આવે છે. અગાઉ ગંભીર બીમારીની સારવાર માટે દિલ્હી જવું પડતું હતું. પરંતુ હવે જમ્મુમાં જ એઈમ્સ તૈયાર થઇ ગઇ છે.
જમ્મુ-કાશ્મીરને પરિવારવાદના ચુંગાલમાંથી મુક્ત કરાવ્યું: PM મોદી
પીએમ મોદીએ પ્રહાર કરતાં કહ્યું કે જમ્મુ-કાશ્મીર પરિવારવાદનો શિકાર હતો. હવે રાજ્ય ફરિયાદોના ચુંગાલમાંથી બહાર આવી રહ્યું છે. વધુમાં કહ્યું કે, જમ્મુ-કાશ્મીરે દાયકાઓ સુધી વંશવાદી રાજનીતિનો ભોગ બનવું પડ્યું હતું. તેઓને માત્ર તેમના પરિવારની જ ચિંતા હતી. લોકોના હિત માટે નહીં, લોકોના પરિવારો માટે નહીં… હું ખુશ છું કે જમ્મુ અને કાશ્મીર આ વંશવાદી રાજકારણમાંથી આઝાદી મેળવી રહ્યું છે. પીએમ મોદીએ કહ્યું કે એક જમાનામાં જમ્મુ-કાશ્મીરમાંથી બોમ્બ, બંદૂક, અપહરણ, અલગતાવાદ સાથે જોડાયેલા સમાચારો આવતા હતા. પરંતુ હવે જમ્મુ-કાશ્મીર વિકાસના સંકલ્પ સાથે આગળ વધી રહ્યું છે. આજે જમ્મુ-કાશ્મીર વિકાસના સંકલ્પ સાથે આગળ વધી રહ્યું છે. હવે અમે વિકસિત જમ્મુ અને કાશ્મીર માટે પ્રતિજ્ઞા લીધી છે. મને તમારામાં વિશ્વાસ છે કે અમે જમ્મુ-કાશ્મીરને વિકસિત બનાવીશું. તમારા છેલ્લા 70-70 વર્ષથી અધૂરા સપના આવનારા કેટલાક વર્ષોમાં મોદી પૂરા કરશે. પીએમએ કહ્યું કે છેલ્લા ચાલીસ વર્ષથી મારો જમ્મુ-કાશ્મીર સાથે સંબંધ છે.
#WATCH | Jammu: Prime Minister Narendra Modi interacts with Lal Mohammad, a beneficiary of the Pradhan Mantri Awas Yojana, during the 'Viksit Bharat Viksit Jammu' programme in Jammu. pic.twitter.com/3XQE5BOnSw
— ANI (@ANI) February 20, 2024
પીએમ મોદીએ સંગલદાન-બારામુલા ઇલેક્ટ્રિક ટ્રેનને લીલી ઝંડી બતાવી
પીએમ મોદીએ કાશ્મીર ઘાટીની પહેલી ઇલેક્ટ્રિક ટ્રેન બારામુલ્લા-શ્રીનગર-બનિહાલ-સંગલદાનની ટ્રેનને લીલી ઝંડી બતાવી હતી.પીએમ મોદીએ બનિહાલ-ખારી-સુંબડ-સંગલદાન (48 કિમી) અને નવા વીજળીકૃત બારામુલ્લા-શ્રીનગર-બનિહાલ-સંગલદાન સેક્શન (185.66 કિમી) વચ્ચેની નવી રેલ લાઇન સહિત જમ્મુ અને કાશ્મીરમાં વિવિધ રેલવે પ્રોજેક્ટનું ઉદ્ઘાટન કર્યું હતું.
#WATCH | Jammu: PM Narendra Modi flags off the first Electric Train in the valley and also the train service between Sangaldan station & Baramulla station. pic.twitter.com/VGB8yzfUbT
— ANI (@ANI) February 20, 2024
જમ્મુ અને કાશ્મીરમાં સામાજિક ન્યાયનો નવો અધ્યાય શરૂ થયો : ડૉ.જિતેન્દ્ર સિંહ
એમએ સ્ટેડિયમમાં કેન્દ્રીય મંત્રી ડો. જીતેન્દ્ર સિંહે કહ્યું કે દસ વર્ષ પહેલા ડિસેમ્બર 2013માં પીએમ મોદીએ જમ્મુના આ જ સ્થળે લલકાર રેલીને સંબોધિત કરી હતી. પીએમ નરેન્દ્ર મોદીના નેતૃત્વમાં વિશ્વના સૌથી ઊંચા રેલ્વે બ્રિજનું નિર્માણ કરવામાં આવ્યું હતું. જમ્મુ અને કાશ્મીરને રાજ્યની બે AIIMS, IIT અને IIM મળી છે. જમ્મુ-કાશ્મીરમાં સામાજિક ન્યાયનો નવો અધ્યાય શરૂ થયો છે. ગુર્જરો, પહાડીઓ, એસટી, એસસી, કાશ્મીરી પંડિતો સહિત પશ્ચિમ પાકિસ્તાનના શરણાર્થીઓને જમ્મુ રાજ્યમાં તેમના અધિકારો મળ્યા છે.
Welcomed Hon'ble Prime Minister Shri Narendra Modi Ji on his arrival at #Jammu today.
नए भारत और नए जम्मू कश्मीर के शिल्पकार आदरणीय प्रधानमंत्री श्री नरेंद्र मोदी जी का मंदिरों के शहर जम्मू में हार्दिक स्वागत एवं अभिनंदन। pic.twitter.com/xMUt7X4rjU
— Office of LG J&K (@OfficeOfLGJandK) February 20, 2024
હવે પાકિસ્તાન હડતાલના કેલેન્ડર જારી કરતું નથી, હવે ઉત્સાહના કેલેન્ડર જારી કરે છે : લેફ્ટનન્ટ ગવર્નર
એમએ સ્ટેડિયમમાં પીએમ મોદીનું સ્વાગત કર્યા બાદ લેફ્ટનન્ટ ગવર્નર મનોજ સિન્હાએ જનસભાને સંબોધી હતી. આ દરમિયાન એલજીએ કહ્યું કે વડાપ્રધાન નરેન્દ્ર મોદીના નેતૃત્વમાં જમ્મુ અને કાશ્મીરમાં અભૂતપૂર્વ વિકાસ થયો છે. હવે પાકિસ્તાન કાશ્મીરમાં હડતાલનું કેલેન્ડર જાહેર કરતું નથી, પરંતુ હવે રાજ્ય વહીવટીતંત્ર ઉત્સાહના કેલેન્ડર બહાર પાડે છે. હવે જમ્મુ એક મુખ્ય શિક્ષણ કેન્દ્ર તરીકે જાણીતું છે. જમ્મુમાં IIM જમ્મુ, IIT જમ્મુ, AIIMS જમ્મુ બનાવવામાં આવ્યા છે.
PM મોદીને સાંભળવા માટે ભારે ઉત્સાહ, MA સ્ટેડિયમ હાઉસફુલ
પીએમ મોદીને સાંભળવા માટે રાજ્યના લોકોમાં ભારે ઉત્સાહ જોવા મળી રહ્યો છે. લોકોની ભીડ એટલી વધી ગઈ છે કે MA સ્ટેડિયમ ભરાઈ ગયું છે જેને લઇને લોકોને જમ્મુ યુનિવર્સિટીના કેમ્પસ અને ગુલશન ગ્રાઉન્ડમાં જવા માટે કહેવામાં આવી રહ્યું છે. જમ્મુ યુનિવર્સિટીના કેમ્પસ અને ગુલશન ગ્રાઉન્ડમાં મોટી એલઈડી સ્ક્રીન લગાવવામાં આવી છે. આ માટે એમએ સ્ટેડિયમની બાજુમાં આવેલા વિક્રમ ચોકમાં આ જાહેરાત કરવામાં આવી રહી છે.
#WATCH | Srinagar, J&K: On the Srinagar-Sangaldan Rail Section, which is to be inaugurated by PM Modi, Northern Railway Senior PRO Rajesh Khare says, "The 90% part of the 48 km section is in tunnels… There is a tunnel, 12.77 km, it is the longest of all… Electrification has… pic.twitter.com/1vbmHCuPGX
— ANI (@ANI) February 20, 2024
બનિહાલ-ખડી-સુંબડ-સંગલદાન રેલ સેવા શરૂ થશે, ઇલેક્ટ્રિક ટ્રેન દોડશે
પીએમ મોદી જમ્મુ અને કાશ્મીરમાં બનિહાલ-ખડી-સુંબડ-સંગલદાન (48 કિમી) અને નવી ઇલેક્ટ્રિક એનર્જી ટ્રેન બારામુલ્લા-શ્રીનગર-બનિહાલ-સંગલદાન સેક્શન (185.66 કિમી) વચ્ચેની નવી રેલ લાઇન સહિત વિવિધ રેલવે પ્રોજેક્ટ્સનું ઉદ્ઘાટન કર્યું હતું. પીએમ ખાડીમાં પહેલી ઇલેક્ટ્રિક ટ્રેન અને સંગલદાન સ્ટેશન અને બારામુલ્લા સ્ટેશન વચ્ચેની રેલ સેવાને પણ લીલી ઝંડી આપી હતી. આ અંગે ઉત્તર રેલવેના વરિષ્ઠ પીઆરઓ રાજેશ ખરેએ જણાવ્યું હતું કે, ֹ‘48 કિલોમીટરનો 90% ભાગ ટનલમાંથી પસાર થાય છે. જેમાં એક ટનલ 12.77 કિમી લાંબી છે અને અહીં આ ટ્રેનો ઇલેક્ટ્રિક એનર્જી પર ચાલશે.
#WATCH | PM Narendra Modi had said this about IITs and IIMs in Jammu in 2013
Today, Prime Minister will inaugurate the permanent campus of IIM Jammu. He will also inaugurate AIIMS Vijaypur (Samba), Jammu and also dedicate to the nation academic complex and hostel buildings of… pic.twitter.com/WNO5vEqPEv
— ANI (@ANI) February 20, 2024
આજે PM મોદી 1661 કરોડ રૂપિયાના ખર્ચે તૈયાર થયેલી AIIMS જમ્મુનું ઉદ્ઘાટન કરશે
પીએમ નરેન્દ્ર મોદી મંગળવારે તેમની જમ્મુની મુલાકાત દરમિયાન ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS) જમ્મુનું ઉદ્ઘાટન કરશે. AIIMS જમ્મુ 226.84 એકરમાં ફેલાયેલ જમ્મુને અડીને આવેલા સાંબા જિલ્લાના વિજયપુર ખાતે 1661 કરોડના ખર્ચે તૈયાર કરવામાં આવી રહ્યું છે. AIIMSમાં 30 જનરલ અને 20 સુપર સ્પેશિયાલિટી વિભાગ હશે. પ્રથમ તબક્કામાં ત્રીસથી વધુ જનરલ અને સુપર સ્પેશિયાલિટી વિભાગોમાં ઓપીડી સેવાઓ શરૂ થવાની છે. ત્યારબાદ પીએમ આજે IIM જમ્મુના કાયમી કેમ્પસનું ઉદ્ઘાટન કરશે. તેઓ AIIMS જમ્મુનું ઉદ્ઘાટન પણ કરશે અને IIT જમ્મુના શૈક્ષણિક કેમ્પસ અને હોસ્ટેલની ઇમારતો રાષ્ટ્રને સમર્પિત કરશે. નોંધનીય છે કે પીએમ મોદીએ 2013માં આની જાહેરાત કરી હતી.
