ઇસ્લામાબાદમાં 48 કલાક માટે પેટ્રોલ પંપ બંધ, શાહબાઝે બોલાવી ઈમરજન્સી બેઠક
Pakistan: પાકિસ્તાન દ્વારા કરવામાં આવી રહેલા મિસાઇલ અને ડ્રોન હુમલાઓનો ભારત સતત જવાબ આપી રહ્યું છે. આ તણાવપૂર્ણ પરિસ્થિતિ વચ્ચે પાકિસ્તાનમાં પીઆઈએની એક ફ્લાઇટનું ઇમરજન્સી લેન્ડિંગ કરવામાં આવ્યું છે. પાકિસ્તાનમાં કોઈ કોમર્શિયલ ફ્લાઇટ્સ ઉડાન ભરી રહી નથી. પાકિસ્તાનનું હવાઈ ક્ષેત્ર બંધ કરી દેવામાં આવ્યું છે. પાકિસ્તાનના તમામ એરપોર્ટ તમામ પ્રકારની ફ્લાઇટ્સ માટે બંધ રહેશે.
પાકિસ્તાન એરપોર્ટ ઓથોરિટી (PAA) એ ફરી એકવાર દેશભરમાં એર ઇમરજન્સી લાદી દીધી છે, જેના કારણે તમામ ફ્લાઇટ કામગીરી સ્થગિત કરવામાં આવી છે. ઇસ્લામાબાદ કેપિટલ ટેરિટરી એડમિનિસ્ટ્રેશને તમામ પેટ્રોલ અને ડીઝલ ફિલિંગ સ્ટેશનોને 48 કલાક માટે સંપૂર્ણપણે બંધ કરવાનો તાત્કાલિક આદેશ જારી કર્યો છે.
આ પણ વાંચો: ભારતે પાકિસ્તાની આતંકવાદી લોન્ચપેડનો નાશ કર્યો, વીડિયો આવ્યો સામે
પાકિસ્તાનના ડ્રોન હુમલાનો ભારતનો જવાબ
ભારતની ઉત્તરી અને પશ્ચિમી સરહદો પર ડ્રોન હુમલામાં વધારો થયા બાદ પાકિસ્તાને આ પગલું ભર્યું છે. જ્યારે પાકિસ્તાને ડ્રોન હુમલાઓની સંખ્યામાં વધારો કર્યો, ઉત્તરમાં લેહથી દક્ષિણમાં સર ક્રીક સુધીના 26 સ્થળોએ લશ્કરી માળખાને નિશાન બનાવ્યું. લક્ષ્યાંકિત સ્થળોમાં મુખ્ય હવાઈ મથકો, લશ્કરી થાણાઓ અને એરપોર્ટ સુવિધાઓનો સમાવેશ થાય છે. ભારતે દરેક હુમલાને સફળતાપૂર્વક નિષ્ફળ બનાવ્યો.
