3 મહિનામાં રૂ.25 કરોડ ચૂકવો અથવા જેલમાં જાઓ: સુપ્રીમ કોર્ટે Gold Scamના આરોપીઓને આપ્યા બે વિકલ્પ
Gold Scam: સુપ્રીમ કોર્ટે Gold Scamના આરોપીને બે વિકલ્પો આપ્યા છે. કોર્ટે કહ્યું કે કાં તો 25 કરોડ રૂપિયા ચૂકવો અથવા જેલમાં જાઓ. નોંધનીય છે કે, હીરા ગોલ્ડ એક્ઝિમ પ્રાઇવેટ લિમિટેડના મેનેજિંગ ડિરેક્ટર નોહેરા શેખ પર લાખો રોકાણકારો સાથે 5,600 કરોડ રૂપિયાની છેતરપિંડી કરવાનો આરોપ છે. નોહેરા શેખ વિરુદ્ધ અનેક રાજ્યોમાં FIR નોંધવામાં આવી છે. સુપ્રિમ કોર્ટમાં આજે આ કેસની સુનાવણી થઈ હતી.
આ પણ વાંચો: મરાઠી ભાષા પર RSS નેતા ભૈયાજી જોશીએ કહ્યું-‘મારું નિવેદન ખોટી રીતે રજૂ કરવામાં આવ્યું’
સુપ્રીમ કોર્ટે EDને આ આદેશ આપ્યો
આજની સુનાવણીમાં, સુપ્રીમ કોર્ટે એન્ફોર્સમેન્ટ ડિરેક્ટોરેટ (ED)ને આદેશ આપ્યો કે જો તે રોકાણકારો પાસેથી એકત્રિત કરેલા નાણાંનો એક ભાગ એટલે કે 90 દિવસની અંદર 25 કરોડ રૂપિયા પરત ન કરે તો તેણીને કસ્ટડીમાં લેવામાં આવે. જજ જે.બી. પારડીવાલાની આગેવાની હેઠળની સુપ્રીમ કોર્ટની બેન્ચે જણાવ્યું હતું કે શેખ 11 નવેમ્બર, 2024થી સતત કોર્ટના આદેશોનો અનાદર કરી રહ્યા છે. જ્યારે શરણાગતિ માટેની સમયમર્યાદા લંબાવવામાં આવી, ત્યારે શરત એ હતી કે તેમને 25 કરોડ રૂપિયા ચૂકવવા પડશે.
આ પણ વાંચો: કચ્છની શાળાઓમાં શિક્ષકોની બદલી બાદ 50 ટકા શિક્ષકોની ઘટ, વિદ્યાર્થીઓનું ભવિષ્ય જોખમમાં
SFIO આ મામલાની તપાસ કરી રહ્યું છે
સિરિયસ ફ્રોડ ઇન્વેસ્ટિગેશન ઓફિસ (SFIO)એ હીરા ગોલ્ડ અને તેના મેનેજિંગ ડિરેક્ટર સાથે સંબંધિત કેસની તપાસ શરૂ કરી દીધી છે. SFIO હજુ પણ આ કેસની તપાસ કરી રહ્યું છે. તેલંગાણા, આંધ્રપ્રદેશ, મહારાષ્ટ્ર, કર્ણાટક અને દિલ્હીમાં ઘણા કેસ પેન્ડિંગ છે. જ્વેલરી અને ગોલ્ડ આર્ટિકલ્સમાં સોદા કરતી કંપનીએ રોકાણ કરેલી રકમ પર 36 ટકા ડિવિડન્ડનું વચન આપતી સ્કીમ્સ શરૂ કરી હતી. કંપનીએ શરૂઆતમાં ડિવિડન્ડ ચૂકવ્યું હતું, પરંતુ 2018 માં, કેટલાક રોકાણકારોએ કંપની અને નોહેરા શેખ વિરુદ્ધ કથિત છેતરપિંડી માટે ફરિયાદ નોંધાવી હતી. નોહેરા શેખની ઓક્ટોબર 2018માં ધરપકડ કરવામાં આવી હતી.
