પાકિસ્તાન સાથેના સંબંધો અંગે મોદી બોલ્યા – શપથગ્રહણ સમારોહમાં બોલાવ્યાં, શાંતિ માટે લાહોર ગયો, પણ…
Narendra Modi Exclusive Interview: પ્રધાનમંત્રી નરેન્દ્ર મોદીએ અમેરિકન પોડકાસ્ટર લેક્સ ફ્રિડમેન સાથે વાત કરી હતી. આ દરમિયાન તેમણે ભારત અને પાકિસ્તાન વચ્ચેના સંબંધોને લગતા પ્રશ્નોના જવાબ પણ આપ્યા હતા. પીએમ મોદીએ કહ્યું કે 1947 પહેલાં દરેક વ્યક્તિ આઝાદી માટે ખભેખભો મિલાવીને લડી રહ્યા હતા. તે સમયે નીતિ ઘડવૈયાઓએ ભારતના ભાગલાંને સ્વીકારી લીધો હતો. ભારતના લોકોએ ખૂબ જ પીડા સાથે ભારે હૃદયથી સ્વીકાર્યું કે જો મુસ્લિમોને પોતાનો દેશ જોઈતો હોય, તો તે તેમને આપી દો. પરંતુ તેનું પરિણામ પણ તે સમયે સ્પષ્ટ થઈ ગયું.
આ હત્યાકાંડમાં લાખો લોકો માર્યા ગયા હતા. પાકિસ્તાનથી મૃતદેહોથી ભરેલી ટ્રેનો આવવા લાગી હતી. ખૂબ જ ડરામણા દ્રશ્યો હતા. પરંતુ ભારતનો આભાર માનવા અને ખુશીથી જીવવાને બદલે પાકિસ્તાને સંઘર્ષનો માર્ગ પસંદ કર્યો. હવે એક પ્રોક્સી યુદ્ધ ચાલી રહ્યું છે. આ કોઈ વિચારધારા નથી, આતંકવાદીઓને નિકાસ કરવાનું કામ ચાલી રહ્યું છે.
આ પણ વાંચોઃ PM મોદીએ યુવાનોને આપ્યો સફળતાનો આ મંત્ર…
પીએમ મોદીએ પોડકાસ્ટમાં કહ્યું કે, જ્યારે પણ દુનિયામાં ક્યાંય પણ આતંકવાદની ઘટના બને છે, ત્યારે પાકિસ્તાન કનેક્શન ક્યાંકને ક્યાંક સામે આવે છે. અમેરિકામાં 9/11ની મોટી ઘટના બની. તેનો મુખ્ય સૂત્રધાર ઓસામા બિન લાદેન પાકિસ્તાનમાં આશરો લઈ રહ્યો હતો. દુનિયાએ સ્વીકાર્યું છે કે, પાકિસ્તાન આખી દુનિયા માટે મુશ્કેલીનું કેન્દ્ર બની ગયું છે.
‘દરેક સારા પ્રયત્નનું નકારાત્મક પરિણામ આવ્યું’
વડાપ્રધાન મોદીએ વધુમાં કહ્યું કે, અમે સતત કહી રહ્યા છીએ કે તમારે આતંકવાદનો માર્ગ છોડી દેવો જોઈએ, આ રાજ્યએ આતંકવાદ બંધ કરવો જોઈએ. બધું આતંકવાદીઓના હાથમાં છોડી દેવામાં આવ્યું છે, આનો ફાયદો કોને થશે? હું પોતે શાંતિના પ્રયાસો માટે લાહોર ગયો હતો. વડાપ્રધાન બન્યા પછી મારા શપથગ્રહણ સમારોહમાં પાકિસ્તાનને ખાસ આમંત્રણ આપ્યું હતું, જેથી એક શુભ શરૂઆત થઈ શકે. પરંતુ દર વખતે સારા પ્રયત્નોનું પરિણામ નકારાત્મક જ નીકળ્યું. અમને આશા છે કે, તેને શાણપણ મળશે. ત્યાંના લોકો પણ આવું જીવન જીવવા માંગતા નહીં હોય.
આ પણ વાંચોઃ મહાત્મા ગાંધી 20મી નહીં, 21મી સદી અને આવનારી સદીના મહાન નેતાઃ નરેન્દ્ર મોદી
પાકિસ્તાન સાથેના સંબંધો સુધારવાના પ્રયાસો સંબંધિત પ્રશ્ન પર પીએમ મોદીએ કહ્યું કે, પાકિસ્તાન સાથેના સંબંધો સુધારવાની સૌથી મોટી પહેલ એ હતી કે હું વડાપ્રધાન બનતાંની સાથે જ તેમને શપથગ્રહણ સમારોહમાં આમંત્રણ આપ્યું. જે લોકો 2013માં મને પૂછતા હતા કે, નરેન્દ્ર મોદીની વિદેશ નીતિ શું હશે, તેઓ ત્યારે ચોંકી ગયા, જ્યારે તેમણે સાંભળ્યું કે મોદીએ શપથ ગ્રહણ સમારોહમાં સાર્ક દેશોના તમામ નેતાઓને આમંત્રણ આપ્યું છે. પરંતુ પરિણામો સાચા નહોતા.
કોની ક્રિકેટ ટીમ સારી છે, ભારત કે પાકિસ્તાન, બંને ટીમો વચ્ચે ભૂ-રાજકીય તણાવ પણ છે. આના જવાબમાં પીએમ મોદીએ કહ્યું કે, રમતગમત આખી દુનિયાને ઉર્જાથી ભરી દે છે, રમતગમતની ભાવના દુનિયાને જોડે છે, તેથી હું રમતગમતને બદનામ થતી જોવા માગતો નથી. હું રમતગમતને માનવ વિકાસ યાત્રાનો એક મહત્વપૂર્ણ ભાગ માનું છું. જો આપણે વાત કરીએ કે, કોણ સારું છે અને કોણ ખરાબ. તો જો આપણે રમતની ટેકનિક વિશે વાત કરીએ, તો હું તેમાં નિષ્ણાત નથી. જેની ટેકનિક જાણે છે, તે જ કહી શકે છે કે કોની રમત વધુ સારી છે. પરંતુ કેટલાક પરિણામો દર્શાવે છે કે, ભારત-પાકિસ્તાન મેચ થોડા દિવસ પહેલા રમાઈ હતી, તેમાં જે પરિણામો આવ્યા તે દર્શાવે છે કે કઈ ટીમ વધુ સારી હતી.
