Mumbai-Ahmedabad Bullet Train: 200 મીટર લાંબો ‘મેક ઇન ઇન્ડિયા’ સ્ટીલ બ્રિજ બનશે

Mumbai-Ahmedabad Bullet Train: મુંબઈ-અમદાવાદ બુલેટ ટ્રેન પ્રોજેક્ટનું કામ ઝડપથી ચાલી રહ્યું છે. આ પ્રોજેક્ટ માટે 200 મીટર લાંબા ‘મેક ઇન ઇન્ડિયા’ સ્ટીલ બ્રિજના પ્રથમ ભાગને લોંચ કરવા માટે સંપૂર્ણ તૈયારીઓ કરવામાં આવી છે. આ બ્રિજ ગુજરાતના નડિયાદ નજીક નેશનલ હાઈવે-48 પર લગાવવામાં આવશે. એવું કહેવામાં આવી રહ્યું છે કે આ બ્રિજ ઓગસ્ટ 2025 સુધીમાં તૈયાર થઈ જશે. નોંધનીય છે કે, આ બુલેટ ટ્રેન પ્રોજેક્ટ 508 કિમી લાંબો છે. તેનો 352 કિમીનો ભાગ ગુજરાતમાં અને 156 કિમીનો ભાગ મહારાષ્ટ્રમાં પડે છે. આ બુલેટ ટ્રેન મુંબઈથી અમદાવાદ દોડશે.

કુલ 28 સ્ટીલ બ્રિજ
MAHSR પ્રોજેક્ટમાં કુલ 28 સ્ટીલ બ્રિજનું આયોજન છે. જેમાંથી 11 સ્ટીલ બ્રિજ મહારાષ્ટ્રમાં અને 17 ગુજરાતમાં છે. ગુજરાતમાં 6 સ્ટીલ બ્રિજ સફળતાપૂર્વક બનાવવામાં આવ્યા છે જેમાં રેલ્વે/ડીએફસીસી ટ્રેક, હાઇવે અને ભિલોસા ઇન્ડસ્ટ્રીઝનો સમાવેશ થાય છે. આ સ્ટીલ બ્રિજ ઓગસ્ટ 2025 સુધીમાં પૂર્ણ કરવાની યોજના છે.

શું ખાસ છે?

• બ્રિજમાં દરેક 100 મીટરના બે સ્પાન છે અને તેને નેશનલ હાઈવે-48 (દિલ્હી, મુંબઈ અને ચેન્નાઈને જોડતા) પર નડિયાદ નજીક લોન્ચ કરવામાં આવશે.
• 14.3 મીટર પહોળો અને 14.6 મીટર ઊંચો, આ સ્ટીલ બ્રિજનું વજન આશરે 1500 મેટ્રિક ટન છે અને તેને ઉત્તર પ્રદેશમાં હાપુડ નજીક સાલાસર વર્કશોપમાં બનાવવામાં આવ્યો છે.
• ટોર શીયર ટાઈપ હાઈ સ્ટ્રેન્થ બોલ્ટ્સ (ટીટીએચએસબી) નો ઉપયોગ કરીને સ્ટીલના ભાગોને એકસાથે જોડવામાં આવ્યા છે, જે 100 વર્ષની આયુષ્ય માટે ડિઝાઇન કરવામાં આવ્યા છે.
• બ્રિજના વિભાગોને C-5 સિસ્ટમ પેઇન્ટિંગથી રંગવામાં આવ્યા છે, જે ભારતમાં આ પ્રકારનું પહેલીવાર છે.
• સ્ટીલના બ્રિજ હાઇવે, એક્સપ્રેસવે અને રેલ્વે લાઇનને પાર કરવા માટે સૌથી યોગ્ય છે, જ્યારે 40 થી 45 મીટરના સ્પાનવાળા પ્રી-સ્ટ્રેસ્ડ કોંક્રિટ બ્રિજ નદીના પુલ સહિત મોટાભાગના ભાગો માટે યોગ્ય છે.
• ભારત પાસે ભારે માલવાહક અને અર્ધ-હાઈ સ્પીડ ટ્રેનો માટે સ્ટીલ બ્રિજ બનાવવાની કુશળતા છે, જે 100 થી 160 કિલોમીટર પ્રતિ કલાકની ઝડપે દોડે છે. હવે, સ્ટીલ ગર્ડર્સના ઉત્પાદનમાં સમાન કુશળતા MAHSR કોરિડોર પર પણ લાગુ કરવામાં આવશે, જેની ઓપરેશનલ સ્પીડ 320 kmph હશે.