માયાવતીએ ભત્રીજા આકાશ આનંદને માફ કર્યો, કહ્યું- ઉત્તરાધિકારી નહીં બનાવું

લખનઉ: બસપાના વડા માયાવતીએ તેમના ભત્રીજા આકાશ આનંદને માફ કરી દીધો છે. જોકે, આ વખતે તેમણે સ્પષ્ટ કરી દીધું છે કે તે ફરીથી આકાશને પોતાનો ઉત્તરાધિકારી નહીં બનાવે. તેણે X હેન્ડલ પર લખ્યું કે આકાશને બીજી તક આપવામાં આવી છે.

માયાવતીએ શું કહ્યું?
માયાવતીએ પોતાના X હેન્ડલ પર કહ્યું, ‘આજે X પર પોતાની 4 પોસ્ટમાં આકાશ આનંદે જાહેરમાં પોતાની ભૂલો સ્વીકારી અને વરિષ્ઠોને સંપૂર્ણ માન આપ્યું, તેમજ પોતાના સસરાની વાત ન માનીને અને BSP પાર્ટી અને આંદોલનમાં પોતાનું જીવન સમર્પિત કર્યું, તેને ધ્યાનમાં રાખીને તેમને બીજી તક આપવાનો નિર્ણય લેવામાં આવ્યો છે.’

માયાવતીએ કહ્યું, સારું, હું હવે સ્વસ્થ છું અને જ્યાં સુધી હું સ્વસ્થ છું, માનનીય કાંશીરામની જેમ હું પાર્ટી અને આંદોલન માટે સંપૂર્ણ સમર્પણ અને પ્રતિબદ્ધતા સાથે કામ કરતી રહીશ. આવી સ્થિતિમાં મારા ઉત્તરાધિકારી બનવાનો કોઈ પ્રશ્ન જ નથી. હું મારા નિર્ણય પર અડગ છું અને અડગ રહીશ.

1. श्री आकाश आनन्द द्वारा एक्स पर आज अपने चार पोस्ट में सार्वजनिक तौर पर अपनी गलतियों को मानने व सीनियर लोगों को पूरा आदर-सम्मान देने के साथ ही अपने ससुर की बातों में आगे नहीं आकर बीएसपी पार्टी व मूवमेन्ट के लिए जीवन समर्पित करने के मद्देनजर इन्हें एक और मौका दिए जाने का निर्णय।

— Mayawati (@Mayawati) April 13, 2025

માયાવતીએ કહ્યું, ‘પક્ષમાંથી હાંકી કાઢવામાં આવ્યા પછી આકાશ સતત લોકોનો સંપર્ક કરી રહ્યો છે જેથી તે પોતાની બધી ભૂલો માટે માફી માગે અને ભવિષ્યમાં આવી ભૂલો ન કરે અને આજે તેણે જાહેરમાં પોતાની ભૂલો સ્વીકારી લીધી છે. પોતાના સસરાના પ્રભાવમાં ન આવવાનો સંકલ્પ વ્યક્ત કર્યો છે. પરંતુ આકાશના સસરા અશોક સિદ્ધાર્થની ભૂલો અક્ષમ્ય છે. તેમણે આકાશની કારકિર્દીને બરબાદ કરવામાં કોઈ કસર છોડી નથી. તેમજ તેમની પક્ષ વિરોધી પ્રવૃત્તિઓ જેવી કે જૂથવાદ વગેરેનો ઉપયોગ કર્યો છે. તેથી તેમને માફ કરીને પાર્ટીમાં પાછા લેવાનો પ્રશ્ન જ ઉભો થતો નથી.

4. आदरणीया बहन जी से अपील है कि वे मेरी सभी गलतियों को माफ करके मुझे पुन: पार्टी में कार्य करने का मौका दिया जाए, इसके लिए मैं सदैव उनका आभारी रहूंगा। साथ ही अब मैं आगे ऐसी कोई भी गलती नहीं करूंगा, जिससे पार्टी व आदरणीया बहन जी के आत्म-सम्मान व स्वाभिमान को ठेस पहुंचे। 4/4

— Akash Anand (@AnandAkash_BSP) April 13, 2025

આકાશે X પર પોસ્ટ કરીને માયાવતીની માફી માગી હતી
ઉલ્લેખનીય છે કે, તાજેતરમાં આકાશ આનંદે x પર પોસ્ટ કરીને માયાવતીની માફી માંગી હતી. તેમણે લખ્યું હતું કે, હું આદરણીય બહેનજીને અપીલ કરું છું કે મારી બધી ભૂલો માફ કરો અને મને ફરીથી પાર્ટીમાં કામ કરવાની તક આપો, આ માટે હું હંમેશા તેમનો આભારી રહીશ. ઉપરાંત, હું ભવિષ્યમાં એવી કોઈ ભૂલ નહીં કરું જેનાથી પક્ષ અને આદરણીય બહેનના આત્મસન્માનને ઠેસ પહોંચે.