કન્નૌજમાં રેલ્વે સ્ટેશન નજીક ઇમારતનો લિંટલ ધરાશાયી, 36 કામદારો દટાયા
Kannauj Railway Station Accident: કન્નૌજ રેલ્વે સ્ટેશન પર બાંધકામ હેઠળનો લિંટલ ધરાશાયી થયા બાદ ઘણા લોકો કાટમાળ નીચે ફસાયા હોવાના અહેવાલ છે. હાલમાં ઘટનાસ્થળે રાહત અને બચાવ કાર્ય ચાલી રહ્યું છે. માહિતી અનુસાર, રેલ્વે સ્ટેશન પર ઇમારતનું બાંધકામ ચાલી રહ્યું હતું. બીજા માળે છતનો લિંટેલ અચાનક નીચે પડી ગયો. લિંટેલ તૂટી પડ્યા પછી, 35 થી 40 કામદારો કાટમાળ નીચે દટાઈ ગયા. જેમાંથી 6 કામદારોને સુરક્ષિત રીતે બહાર કાઢવામાં આવ્યા છે. બાકીના કામદારોને બહાર કાઢવા માટે રાહત અને બચાવ કાર્ય ચાલુ છે. ડીએમ, મંત્રી, એસપી અને રેલ્વે અધિકારીઓ ઘટનાસ્થળે હાજર છે.
#WATCH | Kannauj, Uttar Pradesh: An under-construction lintel collapsed at Kannauj railway station; several workers trapped
More details awaited pic.twitter.com/vqefsjtXDc
— ANI (@ANI) January 11, 2025
એવું કહેવાય છે કે રેલ્વે સ્ટેશન પર બ્યુટીફિકેશનનું કામ ચાલી રહ્યું છે. આ બાંધકામ આ હેઠળ થઈ રહ્યું હતું. લિંટેલ પડતાની સાથે જ આખો વિસ્તાર જોરદાર અવાજથી ગુંજી ઉઠ્યો. ઘાયલ કામદારોને હોસ્પિટલમાં દાખલ કરવામાં આવી રહ્યા છે. વહીવટીતંત્રે અકસ્માતના કારણોની તપાસ શરૂ કરી દીધી છે.
